Cordobán (cuero)

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O cordobán ye un cuero de craba d'alta calidat, muito lichero y suave d'orichen artesanal y produciban d'una traza destacable en Cordoba.[1] S'obteneba antesmás con un proceso de adobamiento vechetal con sustancias especials como os tanins d'o cimac. Huei cuasi no quedan artisans que treballen con cordobán.

Os tanins d'o cimac presentan mayor resistencia a la oxidación que os atros tatins, y esto permite mantener a color d'a pelleta mes tiempo. Tamién permite una mayor penetración d'os colorants por o que o cordobán se feba servir como base pa cueros policromatos.

Os cordobans serviban pa fer siellas, cuadros, biombos u muebles.

Tamién se diz cordobán a la piel tanata de poltrón que se fa servir pa fer calcero de luxo, termin que s'ha extendillato a muitas luengas europeas occidentals. O termin cordobán se troba en textos medievals relativos a mercaderías y peaches, como as actas d'as corz celebratas en Alcanyiz. Curiosament en as actas d'as corz d'Alcanyiz lo gosan escribir en plural cordobans. Os plurals en -ns no se gosan escribir en a grafía medieval, que representan estos plurals como -nes. Manimenos en ixas mesmas actas en os textos d'as aduanas de Teruel y l'aria suroccidental, on se charraba l'aragonés d'as comunidaz aragonesas, escribiban cordobanes.

Referencias[editar | modificar o codigo]

  1. (es) José Laguna Campos: Estudio léxico de un inventario oscense de 1565, Archivo de filología aragonesa, ISSN 0210-5624, ISSN-e 2603-7688, Vol. 46-47, 1991, p. 25-58