Constantine John Phipps
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Constantine John Phipps | |
|---|---|
 Constantine John Phipps, en un quadro de Ozias Humphry (National Maritime Museum, Londres, Greenwich Hospital Collection ). | |
| Información personal | |
| Calendata de naixencia | 19 de mayo de 1744 |
| Calendata de muerte | 10 d'octubre de 1792 |
| Ocupación | Marino militar, esplorador, naturalista, politico y noble. |
Constantine John Phipps, segundo barón de Mulgrave, naixito o 19 de mayo de 1744 y muerto o 10 d'octubre de 1792, estió un marino militar, esplorador, naturalista, politico y noble britanico.
Primeras anyadas[editar | modificar o codigo]
Phipps estudeó en l'Eton College, chunto a lo futuro naturalista Joseph Banks, encara que albandonó os suyos estudios a escape ta embarcar-se con su tío A. J. Hervey en o suyo barco. Asinas, en 1766 partió de Terranova (Canadá) en o HMS Niger, y Banks l'acompanyaba como naturalista.
Actividatz como explorador y naturalista[editar | modificar o codigo]
O 4 de chunio de 1773 partió de Deptford ta o Polo Norte, al mando d'una expedición de dos barcos, Racehorse y Carcass. O naturalista y medico d'á bordo yera o Dr. Irving, y l'astronomo yera Israel Lyons, a más d'un chóven Horatio Nelson entre os miembros de l'expedición. Plegoron ta Svalbard, encara que os chelos los facioron tornar ta Orfordness o 17 de setiembre. Ye en iste viache quan Phipps observó l'onso blanco y a morsa, animals que descrebió en 1774 en a suya obra A Voyage towards the North Pole undertaken... 1773.
Actividatz politicas[editar | modificar o codigo]
Constantine John Phipps estió deputado en o Parlamento britanico por Lincoln en 1768–1774, por Huntingdon en 1776-1780 y por Newark en 1784-1790.
Tamién estió Pagador mayor de l'Exercito britanico en 1789–1791, cargo politico ocupato por muitos futuros primers menistros d'o Reino Uniu.
| Predecesor: Constantine Phipps |
Barón de Mulgrave 1775 - 1792 |
Succesor: Henry Phipps |
| Predecesor: William Wyndham Grenville |
Pagador mayor de l'Exercito britanico 1789 - 1791 |
Succesor: Dudley Ryder y Thomas Steele |
