Consolidated B-24 Liberator

De Biquipedia
Ir a la navegación Ir a la búsqueda
Consolidated B-24 Liberator
Maxwell B-24.jpg
Consolidated B-24 Liberator
Datos chenerals
Tipo bombardero
Fabricant Consolidated Aircraft
Primer vuelo 29 d'aviento de 1939
Periodo 1941-1968
Grandaria
Largaria 20.47 m
Altaria 5.372 m
Envergadura 34 m
Superficie alas 97.4 m²
Peso 29,48 t
Especificacions
Autonomía 2,480 km
Motor 4x Pratt & Whitney R-1830-35 Twin Wasp
Velocidat maxima 478 km/h
Uso
Estato Retirau
Operador Flag of USA.svg USAF
Atros usuarios Flag of UK.svg RAF
Flag of India.svg Fuerza Aeria India
Producción
Unidatz construyitas 18188
Derivatos Consolidated B-32 Dominator
Esquema
B-24 LIBERATOR 3view.jpg

Consolidated B-24 Liberator ye un bombardero desembolicau por Consolidated Aircraft[1]. O suyo primer vuelo estió en 1939. Tien quatro motors Pratt & Whitney R-1830-35 Twin Wasp , una velocidat maxima de 478 km/h y capacidat d'aventar dica 3600 kg de bombas. S'han construyíu 18188 unidatz.

En os suyos inicios, o B-24 yera un disenyo moderno con un ala Davis d'alta relación d'aspecto y amontada en o huembro altament eficient. L'ala le dio a lo Liberator una alta velocidat de crucero, largo alcanz y a capacidat de carriar una gran carga de bombas. Os primers liberadors d'a RAF estioron os primers avions en cruciar l'Ocián Atlantico como que una qüestión de rutina. En comparanza con os suyos contemporanios, o B-24 yera relativament dificil de volar y teneba un rendimiento deficient a baixa velocidat; tamién teneba un teito mas baixo y yera menos robusto que o Boeing B-17 Flying Fortress. Mientres que as tripulacions aerias tendeban a preferir o B-17, o Estato Mayor afavoriba a o B-24 y l'adquirió en grans cantidatz pa una amplia variedat de funcions. Con aproximadament 18.500 unidatz, incluidas 8.685 fabricadas por Ford Motor Company, tien récords como o bombardero, bombardero pesau, avión multimotor y avión militar estausunidense mas produciu en l'historia.

O B-24 s'utilizó ampliament en a Segunda Guerra Mundial. Sirvió en todas as ramas d'as fuerzas armadas estausunidenses, asinas como en quantas fuerzas aerias y marinas aliatas. Veyió emplego en totz os teatros d'operacions. De conchunta con o B-17, o B-24 estió o pilar d'a campanya de bombardeyo estratechico d'Estaus Unius en o teatro d'Europa Occidental. A causa d'o suyo alcanz, resultó util en operacions de bombardeyo en o Pacifico, incluiu o bombardeyo de Chapón. Os Liberators antisubmarins de largo alcanz chugoron un paper fundamental en o zarre d'a breca de l'Atlantico Meyo en a Batalla de l'Atlántico. O derivau de transporte C-87 sirvió como una contraparti de mayor alcanz y capacidat d'o Douglas C-47 Skytrain.

A la fin d'a Segunda Guerra Mundial, os abances tecnolochicos d'o Boeing B-29 Superfortress y atros tipos modernos heban superau a os bombarders que sirvioron dende o comienzo d'a guerra. O B-24 s'eliminó rapidament d'o servicio estausunidense, encara que o derivau de patrulla maritima PB4Y-2 Privateer continó en servicio con a Marina d'os EE. UU. en a Guerra de Coreya.

Referencias[editar | modificar o codigo]

  1. (en) Jane's Encyclopedia of Aviation, Random House, 1993, ISBN 978-0517103169