Aconsolador
(Reendrezau dende Consolador)
Un aconsolador[1] (d'o verbo aconsolar) u consolador (d'o latín < consolātor), tamién conoixiu como dildo (de l'anglés dildo), ye un chuguet sexual, a ormino d'apariencia explicitament de pene, destinau a la penetración sexual u unatra actividat sexual entre a masturbación u con parellas sexuals.
Os aconsoladors son emplegaus por a humanidat dende fa muito tiempo. Por eixemplo, l'aconsolador mas antigo d'o mundo ye de l'Edat de Piedra, se calcula que de 28.000 aC, y se trobó en a espelunga de Hohle Fels, amán de Schelklingen, en Ulm, Alemanya.[2] Se tracta d'un falo de piedra muit polida que fa vinte centimetros de longaria y tres de diametro. Unatro de 27.000 aC estió trobau en Dolní Věstonice, Republica Checa.
Menas
[editar | modificar o codigo]- Una variant moderna de l'aconsolador, que incluye un chicot mecanismo que lo fa vibrar por él solament, se diz vibrador.
- Os modelos emplegaus pa estimulación anal, curtos y de forma conica, son clamaus por o suyo nombre en anglés butt plug.
- O modelo d'aconsolador dotau con un arnés de cintura se conoixe por o suyo nombre anglés strap-on dildo.
- L'aconsolador que permite a penetración por dos foraus d'o cuerpo se diz aconsolador dople.
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (en) "Ancient phallus unearthed in cave" en a BBC
| Control d'autoridaz |
|
|---|
