Conchita Martínez

Conchita Martínez
Información personal
Naixencia	16 d'abril de 1972 Monzón (Aragón)
Altaria	1,80 m
Peso	78 kg
Esporte	Tenis
Man	dreita
Profesional en	1972-2006
Millor clasificación	2º (30 d'octubre de 1995)
Chuegos olimpicos
Archent	Barcelona 1992	Dobles
Archent	Atenas 2004	Dobles
Bronze	Atlanta 1996	Dobles
Premios
Medalla a o Merito Esportivo "Ciudat de Zaragoza".
Títols
13

Inmaculada Concepción Martínez Bernat mas conoixita como Conchita Martínez (naixita o 16 d'abril de 1972) estió una tenista profesional de Monzón, Aragón. Ye a unica muller d'o Estato Espanyol en ganar o títol individual de Wimbledon quan ganó a Martina Navrátilová en a final de 1994. Tamién ha estato finalista en l'Open d'Australia de l'anyo y en Roland Garros en l'anyo 2000.

A mas ganó tres medallas olimpicas en dobles, dos d'archent en os Chuegos Olimpicos de Barcelona 1992 y Atenas 2004 y una de bronze en Atlanta 1996

Biografía

En l'anyo 1993 plegó por primera vegata a las semifinals de Wimbledon y ganó o Masters de Roma. En l'anyo 1994, Conchita Martínez se convertiría en a única tenista d'o Estato Espanyol en ganar o torneyo más prestichioso d'o panorama tenistico, Wimbledon, redotando a Martina Navrátilová en a final por 6-4, 3-6 y 6-3. A chugadora aragonesa plegó a la final d'un torneyo de Grand Slam atras dos vegatas, en Australia (en l'anyo 1998) y en Roland Garros (en l'anyo 2000). En l'anyo 1995 plegó a las semifinals de totz os torneyos d'o Grand Slam y se convirtió en a nº2 mundial d'a WTA. En l'anyo 1996 torna a ganar o Masters de Roma, convirtindo-se en a unica tenista que gana quatre anyos consecutivos iste torneyo.

A mas d'o suyo rendimiento a ran individual en a WTA (en la que s'ha mantenito en a elite tenistica en tres epocas distintas, adaptando o suyo chuego a las distintas cheneracions y rematando entre as diez millors chugadoras d'o mundo en nueu temporatas distintas), Conchita Martínez ha contrimostrato tamién a suya capacidat como chugadora de dobles. En ista modalidat, a tenista ha conseguito 13 títols d'a WTA y, en companyía de Virginia Ruano, a clasificación ta o Masters Femenín en l'anyo 2005, anyo en que se situó entre as diez millors doblistas d'o mundo. Conchita Martínez ha competito con Espanya tanto en os Chuegos Olimpicos como en a Copa Federación, consiguindo cinco Copas Federación y tres medallas olimpicas.

Conchita Martínez gosa estar l'eixemplo de chugadora con un gran potencial que, manimenos, no plega a cubrir todas as alufras que la chent se'n feba d'ella. Dengún d'os tecnicos que tenió en a suya carrera ha dandaliato en definir-la como una virtual numero uno mundial. Ha ganato torneyos en todas as superficies posibles (33 individuals d'a WTA), ye a unica espanyola que ha ganato medallas en tres Chuegos Olimpicos distintos, ha ganato 71 partitos en una temporada (1993) y ye a primera tenista que gana por un doble 6-0 a una chugadora situata entre as diez millors d'o mundo.

O 15 d'abril de 2006, Conchita Martínez anunció a suya retirata d'o cercuito profesional. O 12 de chinero de 2007, Conchita fue galardonata con a Medalla a o Merito Esportivo "Ciudat de Zaragoza".

Grand Slam

Ganados(1)

Anyo	Campionato	Rival en a Final	Resultato
1994	Wimbledon	Martina Navrátilová	6–4, 3–6, 6–3

Finalista (2)

Anyo	Campionato	Rival en a Final	Resultato
1998	Open d'Australia	Martina Hingis	6–3, 6–3
2000	Roland Garros	Mary Pierce	6–2, 7–5

Clasificación en torneyos d'o Grand Slam

Torneyo	2005	2004	2003	2002	2001	2000	1999	1998	1997	1996	1995	1994	1993	1992	1991	1990	1989	1988	Títols	G-P
Australian Open	1r	1r	1r	2r	2r	SF	3r	F	4r	CF	SF	CF	4r	4r	-	-	2r	-	0	38-15
Roland Garros	1r	2r	CF	2r	3r	F	CF	4r	4r	SF	SF	SF	CF	CF	CF	CF	CF	4r	0	62-18
Wimbledon	3r	1r	3r	3r	CF	2r	3r	3r	3r	4r	SF	G	SF	2r	-	-	-	-	1	38-13
US Open	1r	1r	2r	2r	-	3r	4r	4r	3r	SF	SF	3r	4r	1r	CF	3r	4r	1r	0	36-17
WTA Tour Championships	-	-	-	-	-	CF	1r	1r	1r	CF	CF	CF	CF	CF	1r	CF	1r	-	0	7-12

Títols WTA

Individuals

Ganatos (33)

Leyenda
Tier I
Tier II
Tier III
Tier IV
VS
Grand Slam
WTA Tour Championship
Oro Olimpiadas
Plata Olimpiadas
Bronce Olimpiadas

Nº	Calendata	Torneyo	Superficie	Rival en a final	Resultato
1.	8 d'agosto de 1988	Sofía	Dura	Barbara Paulus	6–1, 6-2
2.	6 de febrero de 1989	Wellington	Dura	Jo-Anne Faull	6–1, 6-2
3.	17 d'abril de 1989	Tampa	Tierra batida	Gabriela Sabatini	6-3, 6–2
4.	11 de setiembre de 1989	Phoenix	Dura	Elise Burgin	3-6, 6-4, 6-2
5.	17 de setiembre de 1990	París	Tierra batida	Patricia Tarabini	7-5, 6-3
6.	15 d'octubre de 1990	Phoenix	Dura	Marianne Witmeyer	7-5, 6-1
7.	5 de noviembre de 1990	Indianapolis	Dura	Leila Meskhi	6-4, 6-2
8.	22 d'abril de 1991	Barcelona	Tierra batida	Manuela Maleeva	6-4, 6-1
9.	15 de chulio de 1991	Kitzbühel	Tierra batida	Judith Wiesner	6-1, 2-6, 6-3
10.	16 de septiembre de 1991	París	Tierra batida	Ines Gorrochategui	6-0, 6-3
11.	6 de chulio de 1992	Kitzbühel	Tierra batida	Manuela Maleeva	6-0, 3-6, 6-2
12.	10 de chinero de 1993	Brisbane	Dura	Magdalena Maleeva	6–3, 6–4
13.	22 de marzo de 1993	Houston	Tierra batida	Sabine Hack	6-3, 6-2
14.	3 de mayo de 1993	Roma	Tierra batida	Gabriela Sabatini	7-5, 6-1
15.	26 de chulio de 1993	Vermont	Dura	Zina Garrison	6-3, 6-2
16.	8 de noviembre de 1993	Filadelfia	Dura	Steffi Graf	6-3, 6-3
17.	28 de marzo de 1994	Charleston	Tierra batida	Natasha Zvereva	6-4, 6-0
18.	2 de mayo de 1994	Roma	Tierra batida	Martina Navrátilová	7-6 (7-5), 6-4
19.	25 de chunio de 1994	Wimbledon	Hierba	Martina Navrátilová	6-4, 3-6, 6-3
20.	26 de chulio de 1994	Vermont	Dura	Arantxa Sánchez Vicario	4-6, 6-3, 6-4
21.	23 de marzo de 1995	Charleston	Tierra batida	Magdalena Maleeva	6-1, 6-1
22.	3 de abril de 1995	Amelia Island	Tierra batida	Gabriela Sabatini	6-1, 6-4
23.	1 de mayo de 1995	Hamburgo	Tierra batida	Martina Hingis	6-1, 6-0
24.	8 de mayo de 1995	Roma	Tierra batida	Arantxa Sánchez Vicario	6-3, 6-1
25.	31 de chulio de 1995	San Diego	Dura	Lisa Raymond	6-2, 6-0
26.	7 de agosto de 1995	Los Angeles	Dura	Chanda Rubin	4-6, 6-1, 6-3
27.	6 de mayo de 1996	Roma	Tierra batida	Martina Hingis	6-2, 6-3
28.	28 de octubre de 1996	Moscú	Dura	Barbara Paulus	6-1, 4-6, 6-4
29.	11 de mayo de 1998	Berlín	Tierra batida	Amélie Mauresmo	6-4, 6-4
30.	13 de chulio de 1998	Varsovia	Tierra batida	Silvia Farina Elia	6-0, 6-3
31.	12 de chulio de 1999	Sopot	Tierra batida	Karina Habšudová	6-1, 6-1
32.	8 de mayo de 2000	Berlín	Tierra batida	Amanda Coetzer	6-1, 6-2
33.	31 de enero de 2005	Pattaya	Dura	Anna Groenefeld	6-3, 3-6, 6-3

Títols (dobles)

• 1988: (1) Sofia (con Paulus)
• 1992: (1) Barcelona (con Sanchez-Vicario), Plata en os Chuegos Olimpicos de Barcelona 1992 en a modalidat de dobles femenins chunto con Arantxa Sánchez Vicario
• 1993: (2) Brisbane (con Neiland), Barcelona (con Sánchez Vicario)
• 1996: (1) San Diego (con G. Fernandez), Bronce en los Chuegos Olimpicos d'Atlanta 1996 en a modalidat de dobles femenins chunto con Arantxa Sánchez Vicario
• 1998: (1) Hilton Head (con Tarabini)
• 1999: (2) Amelia Island (con Tarabini), Tokyo (con Tarabini);
• 2000: (1) Berlin (con Sanchez Vicario)
• 2001: (1) Amelia Island (con Tarabini)
• 2004: (1) Dubai (con Husárová), Plata en os Chuegos Olimpicos d'Atenas 2004 en a modalidat de dobles femenins chunto con Virginia Ruano
• 2005: (2) Charleston (con Virginia Ruano), San Diego (con Virginia Ruano)

Vinclos externos

• Se veigan as imachens de Commons sobre Conchita Martínez.
• (es) Conchita Martínez en a Gran Enciclopedia Aragonesa.