Conán

De Biquipedia
Ir a la navegación Ir a la búsqueda
Conán
Conan O'Brien at U.S. Embassy Helsinki.jpg
Conan O'Brien
Orichen Celta
Chenero Masculín
Santoral 13 de chinero
Zona Países celtas y anglosaxons
Articlos en Biquipedia Totas as pachinas que prencipian por Conán

Conán ye un antroponimo d'orichen celta insular (Irlanda y Gran Bretanya). Diferents trazas d'escribir-lo en atros idiomas son Konan, Kinon, Cynan, Conann, Conaing. Se latiniza como Conanus. En anglés tien una pronunciación plana, "cOnan", ye como se pronuncia en muitas luengas o celebre presonache de ficción homonimo (Conán o Barbaro) ideyato por Robert Howard. En aragonés s'escribe como aguta en o "Libro de las Cheneracions", y ye coderent con o nombre latinizato Conanus.

A suya etimolochía no ye clara de tot y talment s'haiga de fer un analís mitolochico, car bells presonaches mitolochicos irlandeses u britans y presonaches semihistoricos u semilechendarios tienen este nombre, que dimpués tendrán bells duques de Bretanya. A radiz con ye present en presonaches mitolochicos irlandeses que tienen o can como totem, y n'este caso con ye un cognato claro de l'aragonés can, o latín canem y l'anglés hound.

D'entre os presonaches mitolochicos con este nombre més arcaicos tenemos a lo chefe d'os fomore "Conann", senyor d'a torre de habioron de prener os fillos de Nemed pa conseguir a libertat.

Un presonache lechendario talment con bella radiz historica ye dito en bretón Konan Meriadek y en galés Cynan Meriadawg, qui dende a provincia romana de Britania acompanyó a los romans de l'usurpador Macsen Wledig en a suya expedición de conquiesta d'o resto d'o Imperio Román, recibindo en compensación Armorica, esdevenindo o primer duque d'ixa tierra, que dende o suyo mandato s'encomenzó a poblar de bretons y pasa a dicir-se Bretanya.

Atro presonache lechendario que talment tienga radiz historica ye un tal Aurelius Conanus mencionato por Gildas, y que tamién escriben Aurelius Caninus, evidenciando por o menos a cercania que percibiban entre as dos radices entre os celtas irobretons que sabeban latín u os escritos latins que escribiban sobre temas celtas insulars.