Clasificación cientifica

De Biquipedia
(Reendrezau dende Claseficazión zentifica)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000
Esquema d'a clasificación cientifica.

A clasificación cientifica se refiere a la forma que os biologos agrupan y categorizan as especies vivas u ausiditas de sers vivos. A moderna clasificación dimana d'o sistema que proposó Carlos Linneu ta clasificar hierarquicament as especies d'alcuerdo con as suyas caracteristicas fisicas compartidas, y normalizar a suya denominación. Linneu proposó l'emplego d'una formula consistent en asignar un nombre a cada especie, composau de dos parolas (Sistema de nomenclatura binominal), a primera ye lo nombre d'o chenero y la combinación d'as dos designa la especie concreta.

Os taxons (grupos de clasificación) son vinculaus ta una permanent revisión ta amillorar a consistencia d'a hierarquia clasificadera d'alcuerdo con o prencipio d'a descendencia común, o cual dende Charles Darwin ye la base d'esta categorización. A sistematica molecular, que emplega l'analís d'o ADN chenomico, heba plegau en as zagueras anyadas a obligar que se fesen bellas modificacions y ye a preveyer-se que contine fendo-lo. Un eixemplo d'ixa renovación cladistica ye en o nivel mas basico; clasicament, s'aceptaba la existencia de cinco reinos, uno procariotico (reino d'os moneras), y cuatre d'eucarioticos (Protista, Fungi, Animalia y Plantae). Agora, en comparanza, se'n distingue tres dominios, dos procarioticos (Eubacteria y Archaea) y nomás uno d'eucariotico (Eukaryota), trestallau este zaguer en os cuatre reinos d'alto nombraus.

A clasificación cientifica ye una d'as fayenas d'a biolochía sistematica y, mas concretament, d'a taxonomía.

Se veiga tamién[editar | modificar o codigo]