Cimborio

Cimborio d'a Seu de Nuestra Sinyora d'a Huerta de Tarazona.

Un cimborio ye, en Arquitectura, una mena de torre que se debanta sobre lo crucero d'una ilesia (encara que a vegatas tamién se troba en edificios civils) con a función de ventilar y dar luminosidat a l'interior d'a construcción.

Gosan estar de planta cuadrada u octogonal (encara que tamién se troban con atras figuras cheometricas) y descargan o suyo peso en arcos torals u bien en pichinas. Ta cumplir a suya función d'iluminación y ventilación poseyen uberturas en as suyas versants, cosa que amás reduz o peso d'o concunto que han de soportar os arcos torals.

Inicialment a cobertura d'os cimborios yera plana u como muito una muca apunchada, pero poquet a poquet se desembolicó las suyas decoración y estructura, creixendo enta l'alto convertendo-se en autenticas torres con pinaclos, chapitels y flechas enta l'alto, dica estar muitas vegadas ixa torre impropia d'o cimborio l'elemento identificativo de l'edificio u a lo menos una d'as suyas senyas propias d'identidat.

Galería d'imáchens

• 
  Cimborio d'a ilesia de Sant Miguel d'Almazán (Soria).
• 
  Cimborio en a Seu de Santa María de Teruel.
• 
  Cimborio en a Seu d'o Salvador de Zamora.
• 
  Cimborio en a Seu de Nuestra Sinyora de l'Asumpción de Valencia.
• 
  Cimborio d'a Seu de Santa María la Mayor de Marsiella (Francia).
• 
  Cimborio d'a Seu d'a Santisma Trinidat d'Ely (Reino Uniu).
• 
  Seu de Sant Martín de Maganza (Alemanya), con o suyo destacau cimborio.
• 
  Cimborio d'a Ilesia de Sant Gregorio de Parpi (Armenia).

Se veiga tamién

• Arco toral.
• Crucero.
• Cupula.
• Pichina.
• Pinaclo.

Vinclos externos

• Se veigan as imáchens de Commons sobre os cimborios.