Cianosi

Cianosi d'a man d'una pacient con baixas saturacions d'oxicheno.

A cianosi ye lo cambio d'a color d'o teixiu corporal a un ton purpra azulenco, como resultau d'a disminución d'a cantidat d'oxicheno uniu a la hemoglobina en os globulos royos d'o leito capilar. A cianosi gosa estar evident en os teixius corporals cubiertos de piel fina, incluyidas as membranas mucosas, os morros, as unglas y os lobulos d'as orellas. Bellas medecinas pueden causar decoloración, como las que contienen amiodarona u archent. Amás, as tacas de naixencia y lo consumo de productos alimenticios con tintes azuls u moraus tamién pueden provocar una decoloración azulenca d'o teixiu d'a piel y pueden trafucar-se con cianosi. L'exploración fisica y l'anamnesi adequaus son una parti crucial pa diagnosticar a cianosi. Lo tractamiento d'a cianosi implica tractar a causa prencipal, ya que la cianosi no ye una malotía, ye un simptoma.