Exploración fisica
A exploración fisica u examen fisico ye lo conchunto de procedimientos u habilidaz d'a semiolochía clinica que lo medico leva a cabo sobre lo pacient dimpués d'una correcta anamnesi en a entrevista clinica, pa obtener un conchunto de datos obchectivos u signos que sigan relacionaus con os simptomas que refiere lo pacient.
Con a suma d'istos datos d'anamnesi y d'exploración fisica, rechistraus en a historia clinica, se construye un diagnostico medico u chudicio clinico inicial a partir d'o cual se solicitan u no determinadas exploracions complementarias, que confirmen o diagnostico zaguer d'un sindrome u malautía.
En muitas ocasions a simple exploración fisica, acompanyada d'una buena anamnesi, aduya a establir un diagnostico sin necesidat de prebas clinicas u exploracions complementarias mas complexas y costosas.[1] A exploración fisica u examen fisico puede realizar-se per aparatos u sistemas de forma cheneral, u especializar-se mas concretament en os simptomas que refiere lo pacient en un determinau sistema u aparato.
Referencias[editar | modificar o codigo]
- ↑ (en) Campbell EW, Lynn CK (1990), Walker HK, Hall WD, Hurst JW (eds.), "The Physical Examination", Clinical Methods: The History, Physical, and Laboratory Examinations (3rd ed.), Butterworths, ISBN 978-0-409-90077-4, PMID 21250202, retrieved 2019-12-02