Chris Barker

De Biquipedia
Ir a la navegación Ir a la búsqueda
Ta o futbolista anglés se veiga Chris Barker (futbolista)
Chris Barker
Chris en un concierto d'Anti-Flag
Chris en un concierto d'Anti-Flag
Información personal
Nombre Christopher Lee Barker
Embotada Chris #2
Naixió 29 de febrero de 1980
Murió
Información musical
Orichen Flag of the United States.svg Pittsburgh, Pennsilvania, Estatos Unitos
Estilo Punk
Ocupancia {{{Ocupanzia}}}
Instrumentos Voz, baixo electrico
Tiempo
Discograficas {{{Discografica}}}
Relacionato con Anti-Flag
Pachina web

Christopher Lee Barker (naixito o 29 de febrero de 1980), mas conoixito como Chris #2, ye o baixista, cantaire y compositor d'a colla de punk politico Anti-Flag. A suya embotada de #2, ye por estar o segundo "Chris" in Anti-Flag dimpués de Chris Head.

Biografía[editar | editar código]

Chris ye o fillo gran d'una familia americana de clase obrera d'a ciudat de Pittsburgh. Prou luego prencipió a intresar-se por temas politicos como o marxismo, os dreitos d'os animals u l'anarquismo. Asinas con nomás 14 anyos se fació vegano. Gracias a la activa scena punk y hardcore de Pittsburgh, Chris se convirtió con 16 anyos en un gran fan d'a colla de punk Anti-Flag. Tres anyos dimpués, con l'albandono d'Andy Flag, l'anterior baixista, dentró a fer parti d'o grupo.

Anti-Flag[editar | editar código]

En primeras actuaba como guitarrista melodico (Chris Head tanyeba o baixo), manimenos en poco tiempo se convirtió en o baixista d'o grupo, un instrumento que habió d'aprender a tanyer de tot. Con 19 anyos tanyeba as cantas de l'álbum A New Kind of Army, que heba estato gravato con l'anterior baixista, Andy Flag. Dos anyos dimpués amaneixió o nuevo álbum d'Anti-Flag Underground Network, a on que Chris #2 participó activament en a composición por primera vegata.

Dimpués amaneixioron os álbums Mobilize (2002), The Terror State (2003) y For Blood And Empire (2006).

En 2007, un anyo dimpués d'o suyo disco de mayor exito comercial For Blood And Empire a colla anunció a muerte d'a chirmana de Chris. Poco dimpués amaneixió o LP A Benefit For Victims Of Violent Crime, estando destinatos os suyos beneficios a o Center For Victims Of Violence And Crime (Centro por as Victimas d'a Violencia y o Crimen) en Pittsburg.

Whatever It Takes[editar | editar código]

En zaguerías de l'anyo 2003 Chris #2 prencipió un prochecto con a colla Whatever It Takes. A colla de punk quitó ixe mismo anyo o suyo álbum A Fistful Of Revolution con a discografica A-F Records. En 2006 desapareixió oficialment a colla, tornando a adedicar-se de tot a la suya colla prencipal, Anti-Flag.

Instrumentos[editar | editar código]

Tanto en o estudio como en as suyas actuacions en vivo Chris #2 fa servir baixos Fender y amplificadors Marshall. En o suyo baixo se puet leyer o mensache This Machine Kills Fascists (en anglés "Ista Maquina Mata Faixistas", mazada de Woody Guthrie).