Cheronimo de Blancas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Cheronimo de Blancas
2º Cronista d'o Reino d'Aragón
1581 – 1590
Precediu por	Cheronimo Zurita
Succediu por	Chuan Costa
Naiximiento	1530/40 Zaragoza
Muerte	1590 Zaragoza
Alma Máter	Universidat de Zaragoza

Cheronimo de Blancas (Zaragoza, 1530/40 - † Zaragoza, 1590) estió un historiador aragonés y cronista oficial d'o Reino d'Aragón.

Biografía

Cheronimo de Blancas naixió de Zaragoza, en calendata desconoixida, en una familia acomodada. Os suyos estudios los fació en a Universidat de Zaragoza, a on estió un famoso latinista y historiador.

En 1581 ye nombrau succesor de Zurita como cronista oficial d'o Reino d'Aragón, cargo que ocuparía dica a suya muerte en 1590. Fue apedecau en o monesterio de Santa Engracia de Zaragoza.

Obra

A principal obra de Cheronimo de Blancas estió Aragonensium rerum comentarii (en latín "Comentarios sobre Aragón"), publicada en 1588, a on fa una biografía de bels Chusticias d'Aragón y mira d'explicar os orichens d'a institución.

Destaca tamién as "Coronaciones de los Serenissimos Reyes de Aragon", obra en que fa una cronica d'as coronacions reyals dende tiempos de Pero II.

Se gosa criticar a suya forma d'escribir en a que por un regular admite bels relatos fantasticos, pero a suya obra ye prou important ta conoixer a historia d'as institucions d'o reino y asinas como atros temas nobiliarios.

Publicacions

• "Ad Regum Aragonum veterumq comitum depictas effigies, in regia Caesaraugustanensi deputationis aula positas, inscriptiones" (1587). Caesaraugustae: ex officina Simonis Portonarijs.
• "Aragonensium rerum commentarii". Hieron. Blanca (1588). Caesaraugustae: apud Laurentium Robles & Didacum fratres.
• "Coronaciones de los Serenissimos Reyes de Aragon". Encluyen con dos Tratados del Modo de tener Cortes, d'o mesmo autor, y de Geronimo Martel, publicadas por Juan Francisco Andres de Uztarroz, con bellas notas (1641). Çaragoça: por Diego Dormer: a costa del Reyno.
• "Modo de proceder en Cortes de Aragón". (1641). Zaragoza: por Diego Dormer.
• "Inscripciones latinas a los retratos de los reyes de Sobrarbe, Condes antiguos, y Reyes de Aragon puestos en la Sala Real de la Diputacion de la ciudad de Zaragoça". (1680). En Zaragoça: por los herederos de Diego Dormer.

Vinclos externos

• (es) Jerónimo de Blancas

• Datos: Q11032805
• Multimedia: Jerónimo Blancas / Q11032805