Caraísmo

De Biquipedia
Ir ta: navego, busca
Sinoga caraí en Cherusalem

O caraísmo ye una branca d'o chudaísmo oposata a l'actividat interpretativa d'os rabitz y no accepta o Talmut.

O movimiento caraí prenió forma en Mesopotamia en o sieglo VIII, precisament on amaneixió o Talmut. Tenió influencia en a diaspora chodiga dica o sieglo XIII, en Espanya tamién. Yeran marguinatos por os mesmos chodigos.

Os khazaros convertitos a lo chudaísmo talment fuesen caraís, car os chodigos contemporanios d'a diaspora los ignoraban, feito que indica que no yeran consideratos chodigos ortodoxos, y porque en Crimea i habió comunidatz caraís dende antigo.

Os caraís disfrutoron d'un estatuto especial y protechito en o Khanato de Crimea, y teneban como centro principal a Fortaleza de Kale, entre Simferopol y Sebastopol.

En Lituania viven menos de 300 en Trakai y estioron os guardians y constructors d'o castiello chunto a lo lago, on plegoron enta l'anyo 1400 clamatos por o Gran Duque Vytautas.

A comunidat caraí se veyó afectata por o rechimen de terror estalinista d'os anyos 1920 con o bolchevique chodigo Bela Kun.

Bibliografía[editar | editar código]