Capilar sanguinio

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un capilar sanguinio ye un vaso sanguinio muito fin que s'orichina por a ramificación d'una arteria en un teixiu u en un organo concreto y que complega con atros capilars en venulas y dimpués venas. Os capilars presentan una sola capa celular, (o endotelio), a diferencia d'as venas y arterias, que en presentan tres.

O endotelio permite que salga o plasma sanguinio y se produga un intercambio de substancias entre a sangre y os teixius, renovando-se o plasma intersticial con as substancias que leva o plasma sanguinio (por eixemplo oxicheno y nutrients). Por atra part os capilars tamién pueden recibir o dioxido de carbonio y substancias de repui que dimanan d'as celulas como resultau d'o suyo metabolismo. En os capilars d'os alveolos pulmonars se produz un intercambio gasioso contrario a lo que se produz en os atros teixius y organos.

Contra mes gran siga l'actividat metabolica d'un organo mes denso será o rete de capilars d'ixe organo. Bi ha capilars con esfíncters que controlan o fluxo de sangre.

Bi ha leucocitos como os neutrofilos que pueden travesar o endotelio d'os capilars entre celula y celula en o proceso conoixiu como diapedesi y pasar a los teixius pa combatir contra as bacterias orichinando a pus.

Bibliografía

C.P.J.Hickman Principios Integrales De Zoologia - 10ª Ed. McGraw-Hill. 1998.
Natividad Ferrer Marí, Miguel Gracia Vicente, Manuel Medina Martínez Bachillerato. Biología y Geología Bruño, 2008.

Datos: Q103142
Multimedia: Capillaries / Q103142