Canet (arquitectura)
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
- Iste articlo tracta sobre os canetz en arquitectura. Ta atros usos de «Canet» se veiga Canet (desambigación).
O canet (d'o latín <CAN, CANIS, «can») ye o extrimo d'una biga costalera que amaneix por l'exterior d'una construcción y fa de soporte a o rafe u o voladero d'un tellau.
Anque historicament os canetz amaneixón como forma economica de dar-le soporte a os voladors d'o tellau, emplegando ta fer-los o extrimo d'o propio costaler que sustenta a o tellau por a part d'adintro, en l'arquitectura estetica s'han aprofitau a sobén ta fer formas d'escultura que contribuigan a l'aspecto d'a frontera, tot perdendo muit a sobén a suya función de soporte y tornando-se elementos purament esteticos, especialment a partir de l'arte romanico. En iste sentiu, os modillons (italiano <modiglione) son un tipo evolucionau de canetz.