Blattodea

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Esta pachina tracta sobre as cucarachas u cucarachos que son insectos. Ta altros usos d'o termin cucaracha se veiga Cucaracha (desambigación).

Blatodeus

Fembra adulta de cucaracho común (Blatta orientalis)

Clasificación scientifica

Dominio:	Eukaryota
Reino:	Animalia
Filo:	Arthropoda
Clase:	Insecta
Subclase:	Pterygota
Orden:	Blattodea

Familias

Os blatodeus (cientificament Blattodea, d'o latín blatta, «cucaracho», y lo griego eidés, «qui tiene la forma de»), conoixitos popularment como cucarachos u cucarachas, son una orden d'insectos hemimetabolos (ixo ye, con metamorfosi incompleta, a diferencia d'altros grupos pareixitos como Coleoptera) con o cuerpo aplanato y tamanyos que bailan dende 3 dica 65 mm de lonchitut. En a orden blattodea i son catalogatas mes de 4800 especies. Tamién se incluye a las termitas infraorden Isoptera.

Toz os blatodeus tienen antenas luengas y filiformes, os uellos composatos y chicoz en comparanza con os d'altros grupos d'insectos, as patas las tienen luengas y punchutas, y as piezas bucals masticaderas. O par d'alas posterior, funcionals en cualques especies, se troban guardatas per as anteriors, que se son esclerotizatas evolutivament.