Blanche Sweet
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Blanche Sweet | |
|---|---|
.jpg) L'actriz Blanche Sweet en una forografía de 1915. | |
| Información personal | |
| Nombre real | Sarah Blanche Sweet |
| Calendata naiximiento: | 18 de chunio de 1896 |
| Puesto naiximiento: |  Chicago (Illinois, Estaus Unius)
|
| Calendata muerte: | 6 de setiembre de 1986 |
| Puesto muerte: | Nueva York (Nueva York, Estaus Unius)
|
| Ocupación: | Actriz |
| Conchuche: | Marshall Neilan (1922-1929, esvurcio) Raymond Hackett (1935-1958, viuda) |
Sarah Blanche Sweet (conoixida con o nombre artistico de Blanche Sweet), naixida de Chicago (Illinois, Estaus Unius) o 18 de chunio de 1896 y muerta en Nueva York (Nueva York, Estaus Unius) o 6 de setiembre de 1986,[1] estió una destacada actriz en o cine estausunidense mientres o cine mudo, en os primers tiempos d'a Historia d'o cine.
Encara que sua pais no perteneixeban a lo mundo d'o cine u d'o teatro, yera prima d'os actors Antrim Short y Gertrude Short, y su mai heba estau bailarina de choven. En morir de muit ninona su mai, la educó su avuela materna, qui la encaminó enta lo mundo de la escena. Asinas, con nomás que 4 anyadas ya partecipó en una obra teatral, The Battle of the Strong, a on i actuaban Marie Burroughs y Maurice Barrymore.[2] Diez anyadas dimpués o suyo primer papel en o cine estió con un chirmán de Maurice, Lionel Barrymore, estando dirichida por D. W. Griffith.
Bien luego Blanche Sweet esdevenió una d'as primeras estrelas d'o cine mudo, ya dende meyaus d'os anyos 1910, con una muit destacada carrera cinematografica. Tanimientres, como lis succedió a bella cosa d'as estrelas d'o cine mudo, a suya carrera remató en plegar o cine sonoro en os anyos 1930. D'estre as suyas muitas cintas, s'en puet destacar as suyas interpretacions en Judith of Bethulia (1914, D. W. Griffith), Anna Christie (1923, John Griffith Wray), Tess of the d'Urbervilles (1924, Marshall Neilan), The Sporting Venus (1925, Marshall Neilan), u Showgirl in Hollywood (1930, Mervyn LeRoy).
Referencias[editar | modificar o codigo]
- ↑ (en) Blanche Sweet en Internet Movie Database.
- ↑ (en) Flom, Eric L.: Silent Film Stars on the Stages of Seattle: A History of Performances by Hollywood Notables. McFarland. p. 217. ISBN 978-0-7864-3908-9.
Vinclos externos[editar | modificar o codigo]
Se veigan as imáchens de Commons sobre Blanche Sweet.- (en) Blanche Sweet en Internet Movie Database.
- (en) Blanche Sweet en Internet Broadway Database.
- (en) Blanche Sweet en AllMovie.
- (en) Blanche Sweet en Golden Silents.
- (en) Blanche Sweet en Find a Grave.
