Blanca (musica)

Pentagrama con dos notas blancas, y un silencio de blanca.

Una blanca ye una fegura musical que equivale a 1/2 d'a valor d'a fegura redonda, a 2 negras, 4 corcheas, 8 semicorcheas, etc. A blanca, como totas as feguras musicals, tiene un silencio d'a suya mesma valor. Iste se representa con un guión grueso situato por dencima d'a tercera ringla d'o pentagrama.

A blanca indica una durada dos vegatas más luenga que una negra u dos vegatas más curta que una redonda. Si li s'adhibe un puntiello a suya durada ye l'habitual más a metat d'ista: estando a suya durada habitual 4 corcheas, pasa a durar 6 (4 + 2); estando a suya durada habitual 2 negras, pasa a durar 3 (2 + 1).

En un compás 2/4, a blanca equivale a dos tiempos (dos negras), en un compás 2/2 equivale a un tiempo y en un compás 2/1 equivale a meyo tiempo. Se emplega en os pentagramas a sobén, como a resta de notas, con una valor relativa; a nota que le sigue de mayor valor ye a redonda, a quala equivale a quatro negras, y a la redonda li sigue a quadrata a quala equivale a ueito negras. Ista zaguera quasi no s'emplega.

A blanca no gosa emplegar-se en compases de subdivisión ternaria.