Birnen, Bohnen und Speck

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Birnen, Bohnen und Speck
Birnen, Bohnen und Speck
Atras denominacions
Bohnen, Birnen und Speck, Beer'n, Bohn un Speck, Grööner Hein u Grönen Heini
Orichen cheografico
Cocina:	Gastronomía alemana
Orichen:	Alemanya
Se mincha en:	Schleswig-Holstein, Baixa Saxonia, Mecklenburgo-Pomerania Occidental y Hamburgo
Elaboración
Ingredient principal:	chdigas verdas
Ingredient principal:	peras
Ingredient principal:	bacon
Ingredients:	chodigas verdas, peras, bacon, trunfas y aixedrea

Birnen, Bohnen und Speck (en aragonés "peras, chodigas y bacon") ye un plato d'o Norte d'Alemanya especialment popular en os estaus de Schleswig-Holstein, Baixa Saxonia, Mecklenburgo-Pomerania Occidental y Hamburgo. Tamién se conoixe como Bohnen, Birnen und Speck y, localment, en baixo alemán con os nombres de Beer'n, Bohn un Speck, Grööner Hein y Grönen Heini. Os ingredients requiestos fan que sía un plato que se mincha mas que mas en os meses d'agosto y setiembre.

Iste plato ye un tipo de cocido, en que o suyo nombre indica os prencipals ingredients que son peras, chodigas y bacon. Muitas vegadas se gosan adhibir trunfa, encara que no se'n fa referencia en o nombre especificament.

Ingredients

Por un regular se fan servir chodigas verdas curtas (Brechbohnen). En os marcaus d'Hamburgo se troban a vegadas chodigas turcas, una variedat d'ista verdura que se fa servir en ocasions ta parar ista receta. Cuan se fan cocer as chodigas gosa adhibir-se-ie aixedrea ta dar sabor.

As peras emplegatas en iste plato son una variedat que nomás se fa servir ta cocer, ya que no se consume como fruita. Son chicorronas, verdas, duras como una piedra y no tienen a dulzor y o suco d'as variedaz mas populars. Istas peras se troban en mercaus y chicotas botigas de verduras. En l'aria d'Hamburgo se fa servir atras variedat como a Vierländer y a encara menos dulce Finkenwerder. A pera d'a variedat Vierländer tiene una mica mas de consistencia dimpués de cueta, por o que se gosa preferir sobre as atras. Istas peras ta cocinar nomás son disponibles entre chulio y setiembre, pendendo de l'ochache que faiga. Como alternativa si se ye fuera de temporada se puden emplegar tamién as peras Bürgermeisterbirne que no son tan dulces cuan son crudas como atras.

Por un regular s'emplega bacon afumau. Aquí tamién ye important ta que o plato tienga o sabor tradicional no emplegar atro tipo de bacon. O ideyal ta iste plato proviene d'a redolada d'Hamburgo, d'a Selva Negra u d'o Tirol, estanto o factor decisivo a forma en que se conserva o bacon. Nomás o bacon que s'ha ixecato con l'aire y no ha estau conservato a o vueito tien a textura y o sabor propios d'iste plato.

En Hamburgo y Schleswig-Holstein se gosan adhibir a la receta trunfas d'as variedaz Cilena u Linda. En Land Hadeln se fa servir, amás de bacon, carne de buey u cordero.

Vinclos externos

Datos: Q896947
Multimedia: Birnen, Bohnen und Speck / Q896947