Big Bang

De Biquipedia
Translate icon.svg Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.
Articlo d'os 1000
D'alcuerdo con a teoría d'o Big Bang, l'universo fue orichinato por una singularidat d'infinita densidat. O espacio s'ha ito enamplando mientres d'os anyos y os obchectos s'han ito situando cada vegata más luent os uns d'os atros.

O Big Bang (de l'anglés "gran esclatito") ye o nombre con que se conoixe a lo esclatito chigant que, seguntes bells scientificos, creyó lo nuestro universo.[1] Si se calcula a que velocidat s'enampla l'universo y quanto tiempo le ha calito ta plegar a la suya grandaria actual, podemos veyer que o Big Bang se produció fa uns 13.700 millons d'anyos.

quantos scientificos, con os suyos estudios, han ito construyindo lo camín que leba ta la chenesi d'o modelo d'o Big Bang.

Os treballos d'Alexander Friedman (1922) y de Georges Lemaître (1927) emplegaban a Teoría d'a Relatividat d'Albert Einstein ta contrimostrar que l'universo yera en movimiento contino.

Poco tiempo dimpués, en l'anyo 1929, l'astronomo nordamericano Edwin Powell Hubble (1889-1953) descubrió galaxias más allá d'a Carrera de San Chaime que s'aleixaban de nusatros, como si l'universo se dilatase de contino. En l'anyo 1948, o fisico ruso nacionalizato nordamericano, George Gamow (1904-1968), planteya que l'universo se creyó en un esclatito chigant.

Curiosament, estió un d'os detractors d'ista teoría, l'astrofisico anglés Fred Hoyle qui, en 1950 y t'arreguir-se-ne, caricaturizó ista explicación con a exprisión big bang ("Gran Esclatito" u "Gran Boom" a lo inicio de l'universo), con la que agora se conoixe.

Referencias[editar | modificar o codigo]

  1. (en) Joseph A. Angelo Jr. Encyclopedia of Space and Astronomy, Facts on File, 2006, ISBN 978-0-8160-5330-8, p.83

Articlos relacionatos[editar | modificar o codigo]