Bicicleta

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una bicicleta de competición.

Una bicicleta, u simplament y popularment bici, ye un vehíclo de tracción humana de dos ruedas, que gosan estar en linia y d'a mesma grandaria una y l'atra y que portan un pneumatico ta o suyo contacto con o pavimento. Sirve ta o transporte d'una, dos u mas personas, gracias a la fuerza que se fa sobre os pedals, transmitida a o pinyón en a rueda zaguera por una cadena cercular.

Actualment as bicicletas actuals son feites prencipalment de fierro, aluminio, fibra de carbonio, bambú o Rotang. Variants inspiratas en a bicicleta, son o monociclo, con una rueda ta fer acrobacias, y o triciclo, con tres ruedas d'uso infantil, a bicicleta tándem ta dos personas y a bicicleta electrica que que recibe ayuda d'un motor electrico.

Ye un medio de transporte ecolochico, sostenible y economicament barato utilizato en a ciudat y en zonas rurals. O suyo uso ye mui extendito en Europa, prencipalment en países como Suiza, Países Baixos, Alemanya y os Países escandinavos. En Asia ye o prencipal medio de transporte en muitas ciudaz d'India y China.

Existen cuantos modelos de bicicleta variant a forma d'o cuadro, o manillar u as ruedas seguntes ye millor ta o suyo uso recreativo, de transporte y en cuantas modalidaz esportivas, englobatas aintro d'o ciclismo, que se practican con iste vehíclo.

En l'actualidat ciudaz importants de tot o mundo tienen un servicio municipal de loguero de bicicletas ta facilitar o suyo uso y un desplazamiento sostenible d'as personas, en a ciudad de Zaragoza ye dito bizi.

Se veiga tamién

• Ciclismo.
• Vía verde.
• Ciclomotor.
• Bicicleta electrica.
• Tándem.
• Monociclo.
• Triciclo.

Vinclos externos

• (es) Partes d'a bicicleta.
• (en)/(fr) Historia d'a bicicleta.