Batalla d'os Campos Catalaunicos

Batalla d'os Campos Catalaunicos
[[]]
Miniatura d'a batalla en un manuscrito de l'anyo 1330
Información cheneral
Calendata: 20 de chunio de 451
Puesto: Bell puesto d'o noreste de Francia
Resultau: victoria relativa d'os romans y visigodos
En conflicto
Imperio Román d'Occident Visigodos Burgundios Francos Alans	Hunnos Chepidas Ostrogodos
Comandants
Ecio Teodorico I	Atila Valamir Ardarico
Soldaus
30.000-50.000	30.000-60.000
Baixas
?	?

A batalla d'os Campos Catalaunicos se produció en l'anyo 451 en un puesto desconoixito d'o noreste de Galia a man d'Exalons. En esta batalla s'enfrentó una coalición formata por l'exercito román d'occident y os exercitos de diferents pueblos barbaros, (dirichitos totz por o cheneral román Aecio y o visigodo Teodorico I), contra os invasors hunnos y os pueblos aligatos a ellos, dirichitos por Atila. O resultau estió una victoria relativa d'os romans y visigodos, que no destruyoron de tot a los exercitos invasors, pero creboron con a ideya d'invencibilidat d'Atila.

En a batalla d'os Campos Catalaunicos o rei Teodorico I morió en combate y os visigodos nombroron rei a lo suyo fillo Turismundo en o mesmo campo de batalla.

Mencions en fuents aragonesas

Como una d'as batallas més importants d'a Historia Universal no podeba faltar en a "Cronica de los Conquiridors" de Chuan Ferrández d'Heredia, que se detalla baixo o títol DELA BATALLA DE ECIO PATRICIO CONTRA ATILLA ET BLENDA, REYES DE LOS HUNCNOS y se torna a nombrar unas linias mes abaixo con o títol: COMO ATILLA FUE VENCIDO FOR THEODOMIR, REY DE LOS HISTREGODOS, ET DELA SU MUERT, FEYA, ET DELAS COSAS QUE LOS SUYOS FIZIERON EN LURES EXEQUIAS:

El rey Atilla, retornado de Ytalia, fue en Panonia, et aplegado grant exercitu, aparello batalla contra los Alanos dius la senyoria de Theodomir, rey delos Ystregodos, fillo del rey Criario, hermano de Valamer, el qual Theodorico, hermano de aquellos, et Theodomir auien exido de Scitia, et auien occupadas las prouincias delos Alanos. Pues el dicho Teodomir rey, aplegado grant exercitu de Godos et de Alanos et las ayudas delos Scitas, en uenganca de la muert de su hermano Theodorico, al qual auie muerto el rey Atilla, leuanto se contra los Hunnos et lur rey Atilla, segunt escriue Iordan ystorial : et fueron fechas entre dos huestes muchas grieues batallas, enlas quales alas vegadas era vencedor Atilla et alas vegadas vencido. Et finalment fue fecha la çaguera batalla en los campos cathalanicos, en do primerament Ecio patricio auie sobrado et vencido a Atilla ; enla qual batalla tanta multitut murio del exercitu delos Hunnos que muyt pocos escaparon con Atilla ; et Theodomir rey, auida victoria, persiguio los Hunnos et echo los delos terminos [de] los Alanos. Et assi, segunt dize Iordan, el rey Atilla, senyor de muchas gentes, el qual enlos sobredichos campos por Ecio patricio conel exercitu romano et delos Godos era estado sobrado, sostuuo otra vegada doble confusion et obprobrio ; porque partio de alli sin gloria. Tornose pues Atilla en Panonia do apres poco tiempo murio. La su muert fue atal, segunt escriue Iordan ystorial: