Banyador

De Biquipedia
Ir a la navegación Ir a la búsqueda
Banyador masculino

Un banyador ye una pieza de ropa utilizada pa banyar-se en puestos publicos como plachas, ríos y piscinas u bien esportivas (natación, natació sincronizada, salvamento y socorrismo, waterpolo, brinco de trampolín). O banyador apareixió en zaguerías d'o sieglo XIX. En primeras yera un tipo de vestiu pareixiu a la ropa interior y quasi como banyar-se vestiu. Dende a decada de 1920, y mas que mas a de 1930, constituye un d'os articlos de moda más destacaus, y supone un volumen de negocio muit important.

Tipolochía[editar | editar código]

En os hombres o banyador consiste en una especie de pantalón curto, u bien ye de tipo "slip". En o caso d'as mullers consiste en una pieza que cubre dende o peito dica la illada, escotada, por un regular con tirants, y gosa deixar a mayor parti d'a espalda a l'aire. Una variación d'o banyador tradicional ye o biquini, que consta de dos piezas deseparadas y permite a exposición a o sol de mayor superficie corporal.[1] Manimenos, hue en día bi ha banyadors que deixan pasar a luz ultravioleta d'o sol, pa producir un moreno integral.

Os biquinis en que a parti posterior ye muit chicota, y que deixan as nalgas a l'aire, se gosan denominar tanga; bi'n ha versions encara más reducidas, como os microbiquinis y os ditos "filo dental" (colaless).

Un atro tipo de banyador ye o dito triquini, una mena de banyador d'una pieza, susteniu con dos tirants muit luengos, que pueden enamplar-se pa cubrir os peitos, u bien los deixan a l'aire. Encara que se promociona en os meyos de comunicación como pieza de moda (por un regular en a versión que cubre os peitos), no ye guaire habitual. Amás, produce un moreno muit desigual, que ye poco estetico quan se leva un triquini con disenyo diferent, u un biquini.

En Brasil muitos hombes fan servir a sunga, banyador tipo slip, de colors chocantes.

Referencias[editar | editar código]

  1. (es) "Mundo maravilloso". Javier Calvo. Mondadori. ISBN 9788439713524. Pach. 361

Vinclos externos[editar | editar código]