Bandurria
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Bandurria | |
|---|---|
 | |
| Clasificación | |
| Instrumento de cuerda pulsata | |
 | |
| Intrumentos relacionaus | |
| Laút, guitarra | |
| Fabricants | |
| Luthiers | |
A bandurria u mandurria[1] ye un instrumento mudical d'a familia d'a cuerda pulsata. Se emplega en tota Espanya ta tanyer musica folklorica; especialment en Aragón la fan servir as rondallas que tanyen qualsiquier traza de musica folklorica aragonesa y no nomás ta tanyer ixota aragonesa como a ormino se piensa. Aintro d'una rondalla, la bandurria ye qui fa as melodías prencipals d'a canta, mientres que a guitarra fa l'acompanyamiento y o laút (parexíu a la bandurria) s'emplega ta fer armonías intermedias.
A bandurria ye de forma redonda y con un mástel chico. Respective d'o suyo tamanyo, ye un instrumento chicotón, estando-ne fácil de levar y d'emparar. Tién dotze cuerdas de metal que normalment s'afinan de dos en dos d'a traza siguient, prencipiando por as dos cuerdas más agudas y rematando en as dos más graves: La, Mi, Si, Fa#, Do# y Sol#. Bellas vegatas as dos zagueras cuerdas se baixan un semitono dixando-ne en a nota Sol natural, isto se fa ta que puedan fer-se servir t'a bandurria as piezas musicals d'a mandolina.
Afinación[editar | modificar o codigo]
A bandurria s'afina normalment d'a traza siguient:
- La, La, Mi, Mi, Si, Si, Fa#, Fa#, Do#, Do#, Sol#, Sol#.
Isto puet veyer-se representato bellas vegadas en notación anglesa, d'a traza siguient:
- A, A, E, E, B, B, F#, F#, C#, C#, G#, G#
Bi-ha vegadas que bello musico baixa un semitono l'afinación d'as dos zagueras cuerdas ta ubrir o repertorio, dixando as cuerdas mas graves en a nota Sol natural y fendo servir asinas o repertorio d'a mandolina t'a bandurria. Isto dixaría a bandurria afinata asinas:
- La, La, Mi, Mi, Si, Si, Fa#, Fa#, Do#, Do#, Sol, Sol
u en notación anglesa:
- A, A, E, E, B, B, F#, F#, C#, C#, G, G
Se veiga tamién[editar | modificar o codigo]
Referencias[editar | modificar o codigo]
- ↑ (an)/(es) Juan Moneva y Puyol: Vocabulario de Aragón. Edición y estudio de José Luis Aliaga, Xordica Editorial, ISBN 978-84-88920-97-3, 2004, p.310
Vinclos externos[editar | modificar o codigo]
Se veigan as imachens de Commons sobre a bandurria.
