Bandiador

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un bandiador^[1]^[2]^[3] consiste en un asiento que pende d'una estructura metalica u de fusta por meyo d'unas cadenas y ye utilizau por los ninos pa a suya diversión. O entretenimiento se produz cuan o nino acarrazau a os laterals s'impulsa u ye empentau bandiando-se entabant y entazaga.

Tipos

En parques y chardins, pueden trobar-se cuantos bandiadors penchaus d'una mesma bastida lo que permite a cuantos ninos bandiar-se a la vegada. Ditos bandiadors se presentan en una gran variedat de formas y grandaria, as cuals pueden variar pendendo de l'uso que se le dará, ya siga personal (en casa, pa una chicota colla de personas) u d'uso publico (comunment en parques pa uso y entretenimiento de ninos chicorrons).

Pa ninos chicorrons, existen bandiadors con respaldo y huecos en as piernas que los mantienen en una posición richida privando que caigan. Son conoixius popularment como bandiadors niedo.
En atros casos, l'asiento ye nomás un pneumatico con un hueco a on se fica o nino. O pneumatico puet estar penchau por una soga y pendient d'una branca d'un árbol.
A base puet consistir en un asiento con respaldo u sin respaldo podendo mesmo estar una simpla pieza de lona plastificada.

D'antis mas, os bandiadors adoptaban un aire bucolico en penchar d'as brancas d'os árbols y estar fabricaus con materials naturals.

Precaucions

Por estar un obchecto en movimiento que leva un peso dencima, existe o periglo de colisión, si bella persona, como un nino, se mete en a suya trayectoria.
Por estar un obchecto penchau, en o que a persona no tien os piez firmes sobre a tierra, existe o periglo de cayida, particularment en bandiadors sin respaldo.
En estar un obchecto de materials pesaus, ye recomendable o suyo uso con un adulto cosirando.
Parar muita cuenta con fer servir nomás uno a la vegada, se pueden ocasionar accidents.

Referencias

↑ (an) Félix Torres Bagüés Breu replega d’o lesico de Monzón, Luenga & fablas, 14, 2010, ISSN.: 1137-8328, p.32
↑ (es) Fernando Romanos Hernando Dizionario aragonés de las comarcas de la Alta Zaragoza, p.17
↑ (es) Ana Leiva Vicén: Léxico aragonés de Antillón (Huesca). Análisis lingüístico (I). Alazet: Revista de Filología Nº 15, 2003, pp. 65-151, ISSN 0214-7602