Banco Mundial

De Biquipedia
Ir a la navegación Ir a la búsqueda
Articlo d'os 1000
Banco Mundial
World Bank
The World Bank logo.svg
World Bank building at Washington.jpg
Seu d'o Banco Mundial.
Información d'o Banco
Churisdicción 189 países
Seu Washington, DC, EEUU
38°53′56″N 77°02′33″U
President Kristalina Georgieva
Pachina web
worldbank.org

O Banco Mundial ye una institución financiera internacional que ye responsable de dar amprens con baixo intrés a estatos ta prochectos de desembolique, reducindo asinas a pobreza, fan parti d'o Banco Mundial 189 estatos que tién dreito a voto seguntes a suya aportación economica feita en o mesmo. Ye formato por dos institucions: o Banco Internacional de Reconstrucción y Fomento (BIRF) y l'Asociación Internacional de Fomento (AIF).

Istas dos institucions chunto con atras tres, a Corporación Financiera Internacional (CFI), l'Organismo Multilateral de Garantía de Inversions (OMGI) y o Centro Internacional de Resolución d'Esferencias Relativas a Inversions (International Centre for Settlement of Investment Disputes, CIREI) forman o Grupo d'o Banco Mundial. Iste grupo, con os suyos afiliatos, tienen lur seu en Washington DC.

O Banco Mundial treballa con atra entidat deseparata, o Fundo Monetario Internacional (FMI), o qualo da financiación t'aliucherar os problemas en a balanza de pagos d'a deuda. Os dos son conoixitos como "Institucions de Bretton Woods", ya que a conferencia internacional en a que se creyoron istas institucions se fació en ista ciudat, Bretton Woods, en o estato de Nueva Hampshire, en os Estaus Unius, de l'1 a o 22 de chulio, 1944.

Jim Yong Kim, president d'o Banco Mundial.

Lista de presidents[editar | editar código]

Nombre Calendata País Datos d'intrés
Eugene Meyer 1946–1946 Estaus Unius Editor de periodicos y President d'a Reseva Federal d'Estaus Unius.
John J. McCloy 1947–1949 Estaus Unius Advogato y Secretario adchunto de guerra.
Eugene R. Black, Sr. 1949–1963 Estaus Unius Eixecutivo d'o Chase Manhattan Bank y director eixecutivo d'o World Bank.
George Woods 1963–1968 Estaus Unius Eixecutivo d'a First Boston Corporation
Robert McNamara 1968–1981 Estaus Unius Presidente d'a Ford Motor Company, Secretario d'Esfensa d'Estato Unitos en o gobierno d'os presidents John F. Kennedy y Lyndon B. Johnson.[1]
Alden W. Clausen 1981–1986 Estaus Unius Advogato y eixecutivo d'o Bank of America.
Barber Conable 1986–1991 Estaus Unius Senador d'Estaus Unius por Nueva York y congresista.
Lewis T. Preston 1991–1995 Estaus Unius Eixecutivo en J.P. Morgan
Sir James Wolfensohn 1995–2005 Estaus Unius
Australia (prev.)
Advocato d'interpresas y banquero.
Paul Wolfowitz 2005–2007 Estaus Unius Embaixador d'Estaus Unius en Indonesia, Vicesecretario d'Esfensa d'Estaus Unius, Decano d'a School of Advanced International Studies (SAIS) en a Johns Hopkins University, partecipant d'a planificación d'a Invasión d'Irak de 2003. Re nunció a su cargo por escandalos d'Etica.
Robert Zoellick 2007–2012 Estaus Unius Vicesecretario d'Estato d'os Estaus Unius y Representante d'o Comercio.
Jim Yong Kim 2012–Plantilla:Small Estaus Unius
South Korea (prev.)
Expresident d'o departamento de Salud Global y Medicina Social en Harvard, presidente d'o Dartmouth College y nacionalizato Estausunidense.[2]

Creticas[editar | editar código]

As actuacion y a forma de treballo con muitos paises ye muito creticada, mas que mas por organizacions no gubernamentals, d'esfensa d'os dreitos humans y muit especialment d'os indichenas de quantes países.

Tamién bi ha chent que feba parti d'a creyación de programas y a estructura d'o Banco Mundial que cretican o suyo funcionamiento como Joseph Stiglitz premio Nobel d'Economía y maximo responsable economico d'o Banco Mundial en o periodo 1997-2000, Henry Hazlitt y Ludwig Von Mises.[3][4][5]

Una d'as creticas mas comun ye a suya forma en a que ye dirichito, o banco representa a 188 estatos pero a suya dirección ye en mans d'uns pocos economicament poderosos. Istos estatos tamién eslichen a suya presidencia y a dirección por o que os intereses d'ixos países son d'alto d'atros.[6]

O Comité d'Asuntos Foranos d'o Senato d'Estaus Unius fizo un informe a on cretica a o Banco Mundial y atras istitucions finacieras internacional por centrari-e a suya politica economica en fer prestamos en os puestos en cuentas de buscar un resultau de desembolique mientres un determiau tiempo, a mas a mas de fer mes esfuerzos contra a corrupción.[7]

Tamién muitas creticas es fan en forma de protestas acompanyatas de manisfestacions entre as que cal destacar as Protestas d'Oslo de 2002, a Rebelión d'Octubre, a Contracumbre de Seattle u as protestas que facioron os Kayapó, uns indichenas d'a Amazonía que aconsiguieron que o Banco Mundial no faciera un prestamo ta a construcción d'una entibadera en o suyo territorio d'os vegatas.[8]

Tamién ye muito creticata a tradición de que o suyo president siga estatounidense, ixo es feba en o prencipio por que yera o país que feba a parti mas gran d'aportación economica ta o suyo funcionamiento, pero zaguerament os demas países creyen que cada puesto en o Banco Mundial tién que estar ocupau por a persona mas qualificada ta ello.

Bibliografía[editar | editar código]

  • (en) Salda, Anne C. M., Historical dictionary of the World Bank, (1997). ISBN 0810832151.

online.

Referencias[editar | editar código]

  1. Robert S. McNamara and the Real Tonkin Gulf Deception, Antiwar.com, Gareth Porter, 6 d'agosto de 2014. Revisau o 30 d'aviento de 2017.
  2. (en) Why Jim Yong Kim would make a great World Bank president. The Guardian, Heather Hurlburt, 23 de marzo de 2012. Revisau o 30 d'aviento de 2017.
  3. * (en) Stiglitz, Joseph E. T "he Roaring Nineties: A New History of the World's Most Prosperous Decade". Editorial W. W. Norton & Company, Nueva York, 2003. ISBN 978-0-39-305852-9.
  4. * (en) Stiglitz, Joseph E. "Globalization and Its Discontents". Editorial W. W. Norton & Company, Nueva York, 2003. ISBN 978-0-39-332439-6.
  5. * (en) Stiglitz, Joseph E.,"Making Globalization Work". Editorial W. W. Norton & Company, Nueva York, 2003. ISBN 978-0-39-333028-1
  6. * (en) Woods, Ngaire. The Globalizers: The IMF, the World Bank, and Their Borrowers.Cornell University Press, 2007, Ithaca, NY. ISBN 978-0-80-147420-0.
  7. * (en) Committee on Foreign Relations, United States Senate, 111th Congress. The International Financial Institutions: A Call For Change. Editorial U.S. Government Printing Office, 2010.
  8. (en) Amazon Indians Attack Official Over Dam Project

Vinclos externos[editar | editar código]