Avicena

De Biquipedia
Ir ta: navego, busca
Articlo d'os 1000
Avicena
Avicenna-miniatur.jpg
Información personal
Calendata de naixencia: 980
Puesto de naixencia: Bukhara, Persia
Calendata de muerte: 1037
Puesto de muerte: Hamadan
Ocupación: Medico y filosofo

Avicena (Bukhara, Persia, en l'actual Uzbekistán, 7 d'agosto de 980 - Hamadan agosto de 1037), nombre occidentalizato d'Abū ‘Alī al-Husayn ibn ‘Abd Allāh ibn Sīnā (en turco: İbni Sina u en persa: ابوعلى سينا u en arabe: أبو علي الحسين بن عبد الله بن سينا), u simplament Ibn Sina, estió un filosofo y medico musulmán Turco[1][2] muit reconoixito, autor de más de 450 obras, entre as qualas destaca o Canon d'a Medecina. En griego yera dito Abitianós (Ἀβιτζιανός) y en latín Abitianus, traducito asobén por Avicena. En aragonés medieval se podeba escribir con -nn- cheminata como se vei en os inventarios d'as propiedatz d'os medicos:

Primo un libro clamado Avicenna, con cobiertas vermellas et clateves con las cabecas redondas, scripto en pergamino, que comienca la rubrica: Liber Canonis.

Ye considerato a personalidat más important d'a medecina arabe y o primer medico d'a Edat Meya. A suya enciclopedia medica, traducita a lo latín con o nombre de Canon, estió lo texto basico ta l'amostranza d'a Medecina en Europa mientres más de cincocientos anyos.[3]

Referencias[editar | editar código]

  1. (en) Ravil Bukharaev: Islam in Russia: The Four Seasons, Palgrave Macmillan, 16 Eyl 2000, p.95.
  2. (en) Theodore Craig Levin: The Hundred Thousand Fools of God: Musical Travels in Central Asia (And Queens, Nueva York), Indiana University Press, 1996, p.40.
  3. (ca) Avicenna en a GEC