Autovía Uesca-Leida

Autovía Uesca-Leida
Estato	{{{estato}}}
País	{{{país}}}
{{{tpdivision}}}	{{{division}}}
{{{tpdivision2}}}	{{{division2}}}
{{{tpdivision3}}}	{{{division3}}}
Información cheneral
Identificador
Rota europea	{{{id_euro}}}
Prencipio	Uesca
Fin	Leida
Longaria	110 km
Mapa

L'autovía Uesca-Leida (u A-22) ye una autovía aragonesa que prencipia en Uesca, dende l'A-23, s'endreza enta Leida y, dimpués de 110 kilometros, remata connectando con l'A-2, l'AP-2, l'A-14 y l'A-27.

Dende l'1 d'octubre de 2025, ye ubierta ta lo trafico toda l'autovía, con l'ubertura d'o trampo de 12 kilometros Sietemo-Uesca, unindo asinas de camín toda la provincia.

Historia

L'autovía estió incluyida en o PIT 2000-2007 d'o Partido Popular, pero a obra acumuló un gran retraso y en l'anyo 2004, en a mayoría d'os trampos ni mesmo bi heba encara prochecto de construcción. L'unico trampo con a obra licitada, a variant de Monzón, n'estió lo 13 de marzo d'ixe anyo. Dimpués d'o cambio de gubierno, s'incluyó en o PEIT 2005-2020 per o Partido Socialista Obrero Español. Dende alavez s'ha accelerau prou o ritmo de licitacions. O subtrampo Uesca-Sietemo, por a suya cercanía a lo Castiello de Mont Aragón y por haber-se produciu un fuerte debate social y politico entre los concellos de Quicena y Uesca sobre lo corredor triau ta l'autovía en ixa zona, se segregó de l'estudio informativo y d'a DIA correspondient, por o que s'ha retrasau muito la suya tramitación administrativa y ha estau lo zaguero en executar-se. Se preveyeba que l'autovía estase en servicio en 2012, pero os reachustes presupuestarios de chulio de 2010 y posteriors ficioron imposible que dica octubre de 2025 no s'ubrise l'ultimo trampo de l'autovía, dimpués de 4 anyos de retraso en a suya execución.

O Ministerio de Fomento ha posau en servicio poquet a poquet a resta d'os subtrampos de l'A-22: os 12 primers kilometros correspondioron a la variant de Monzón que dentró en servicio lo 22 de chulio de 2008. Posteriorment, o 30 de chinero de 2009 s'ubró lo trampo, con una longaria de 10,6 km, entre Ponzano y lo Pueyo de Balbastro.

As obras d'o trampo Sietemo-Uesca

8 kilometros han estau protagonistas d'una gran polemica con o Ministerio de Transportes mientres os zaguers anyos, en estar os que deseparan a localidat altoaragonesa de Sietemo d'a capital d'a provincia. Facioron falta anyos d'aspera ta que l'organismo estatal firmase lo contrato licitau anteriorment con a constructora aragonesa Vidal y la catalana Copcisa ta fer lo que a la fin serían 12,8 kilometros, en os cuals s'unirían definitivamente as autovías A-22 y A-23 en dirección a Zaragoza y Chaca. Ixa firma se publicó en o Boletín Oficial del Estado lo 30 de chunio de 2018.

Dimpués d'anyos d'aspera, a la fin as obras d'o zaguero trampo que faltaba ta construyir d'ista infrastructura aragoneso-catalana prencipioron o 28 d'agosto de 2018 con un presupuesto de 46,77 millons d'euros. A inauguración d'iste zaguer trampo se celebró l'1 d'octubre de 2025, con a presencia d'o ministro de Transportes Óscar Puente.

Trampos

Nombre	Trampo	Anyo servicio	Kilometros
	Connexión A-2-La Cerdera	2009	4,7
	La Cerdera-variant d'Almacellas	2009	4,2
	Variant d'Almacellas	2012	9,8
	Muga provincial de Uesca-variant de Binéfar	2011	16,3
	Variant de Binéfar	2011	7,1
	Variant de Monzón	2008	13,8
	Variant de Balbastro	2010	11
	El Pueyo-Ponzano	2009	10,2
	Ponzano-As Viliellas	2011	16,4
	As Viliellas-Sietemo	2010	5,15
	Sietemo-Uesca	2025	13,2

Referencias

• Datos: Q789259