Autobús
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Un autobús u a sobén simplament bus ye un vehiclo de carretera disenyau ta portiar muitos pasachers. Bels autobuses pueden tener capacidat dica 300 pasachers.[1] O tipo mas normal d'autobus ye l'autobus d'un solo piso y una sola plataforma, encara que existen tamién autobuses mas grans de dos pisos y articulaus con doble plataforma, y mas chicoz como os midibuses y minubuses. Existen amás autocars que fan rotas entre ciudaz y autobuses urbans que circulan nomás por aintro d'una ciudat. En muitos tipos d'autobuses, como os autocars u os autobuses urbans cal pagar un billet ta dentrar-ie. Atros, como os autobuses escolars gosan estar de baldes. En muitos puestos, o conductor d'autobus amenista un carnet especial amás d'o carnet normal t'adugar autos..
Os buses se pueden emplegar ta un transporte urbán u interurbán programau, transporte escolar u turistico por un regular organizaus en linias u rotas regulars u pueden logar-se ta viaches u ocasions especials. Tamién los fan servir por eixemplo os politicos ta fer as suyas campanyas u as collas de musica ta desplazar-se en as suyas chiras.
Os primers autobuses tiraus por caballos amaneixioron en a decada de 1820, inventando-se dimpues os autobuses de vapor en a decada de 1830 y o trolebús en 1882. O primer autobús con motor de combustión interna apareixe en 1895. En os zaguers anyos bi ha un intres creixient por os autobuses hibridos, os autobuses electricos y os autobuses que funcionan con atros combustibles alternativos como hidrocheno, gas natural u biodiesel. Ya en a decada de 2010 ha apareixiu a globalización en os fabricants d'autobuses, trobando-se os mesmos disenyos por tot o mundo.
Referencias
[editar | modificar o codigo]- ↑ (en) "China's longest bus unveiled in Shanghai". Jongo.com. 15 March 2007. Archived from the original on 30 de setiembre 2011. https://web.archive.org/20110930181821/http://news.jongo.com/articles/07/0315/9180/OTE4MAmXAYhbF0.html.
