Astra (biera)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre una interpresa bierera alemana. Ta atros usos se veiga Astra.

Astra

Datos chenerals
Eslogan	Was dagegen?
Establimiento	1922
Localización	Hamburgo, Alemanya
Enfiladors
Industria	Biera
Productos	{{{produtos}}}
Beneficios
Emplegatos
Pachina web
Pachina web	Pachina oficial
Twitter	{{{twitter}}}
Facebook	{{{facebook}}}

Astra ye una interpresa bierera alemana con seu en a ciudat d'Hamburgo y que opera y distribuye os suyos productos en l'aria metropolitana d'ista ciudat. En l'actualidat tien en o mercato cuantas variedaz de biera.

A marca Astra perteneixe a la interpresa Holsten-Brauerei AG, que a la vegada fa parti d'o grupo Carlsberg. Dica l'anyo 2003 se produciba en a fabrica Bavaria-St.Pauli-Brauerei. Ista bierera que se trobaba entre as zonas de Landungsbrücken y Reeperbahn en Hamburgo fue mercata en 1998 por a Holsten-Brauerei, zarrando en 2003 l'antigo edificio y espaldando-lo.

Historia[editar | modificar o codigo]

Dica 1909 se a biera se comercializó con o nombre de Bavaria.^[1] Dende alavez se convirtió en a biera mas bebita de St. Pauli. En 1994, poquet antis de rematar o sieglo, o propietario d'a interpresa vendió a marca a la bierera Brau & Brunnen AG de Dortmund.

En chinero de 1998 a ciudat d'Hamburgo mercó a Brau & Brunnen. Por ixas envueltas se quitó a campanya de marketing "Was dagegen?" (en alemán literalment "Que pasa con ixo?") mas que mas en as cletas publicitarias por toda a ciudat. Bels meses dimpués, en aviento de 1998, o gubierno d'Hamburgo vendió a interpresa a Holsten, l'atra gran bierera d'a ciudat, que zarró a fabrica d'Astra en 2003. Un anyo dimpués, en 2004, Holsten fue mercata por Carlsberg.

A biera Astra se distribuye en botellas con o formato Steinieform (0,33l).

Promoción[editar | modificar o codigo]

A biera Astra ye prou conoixita por as suyas campanyas promocionals. Toz os anyos se celebra en Hamburgo o Welt-Astra-Tag (en alemán "Día Mundial d'Astra").

Astra tien una estreita relación con o FC St. Pauli d'o que ye patrocinador oficial. En l'anyo 2001 l'equipo de fútbol cedió o espacio publicitario d'a suya camiseta ta a marca, aduyando asinas a promocionar-la ta mirar de salvar a suya mala situación economica. En 2003 estió a interpresa a que tornó o favor a o club, quitando a campanya "Astra trinken - St. Pauli retten" ^[2] (en alemán "Beber Astra - Salvar a o St. Pauli")

Variedaz[editar | modificar o codigo]

Se puede trobar una ampla variedat de bieras Astra encluyindo:

Astra Urtyp (alc. 4,9% vol.)
Astra Exclusiv (alc. 4,9% vol.)
Astra Pilsener (alc. 4,9% vol.)
Astra Rotlicht (alc. 6,0% vol.); Rotlicht ye a exprisión alemana ta o districto royo (literalment se traduz como "luz roya").
Astra Original Hamburger Alsterwasser (alc. 2,5% vol.) (Shandy)