Antonio Puerta
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Puerta | ||
|---|---|---|
| Información personal | ||
| Nombre | Antonio Puerta | |
| Naixiu o | 26 de noviembre de 1984 | |
| Naixito de | Sevilla, Espanya | |
| Muerto o | 28 d'agosto de 2007 | |
| Muerto en | Sevilla, Espanya | |
| Altaria | 1.83 m | |
| Esporte | Fútbol | |
| Equipos profesionals | ||
| Anyos | Equipo | |
| 2002–2004 2004–2007 |
 Sevilla Atlético Sevilla FC
| |
| Selección nacional | ||
| 2006 |  Espanya
| |
Antonio José Puerta Pérez (Sevilla, Espanya, 26 de noviembre de 1984 - † Sevilla, Espanya, 28 d'agosto de 2007)[1] estió un chugador de fútbol espanyol. Chugó d'esfensa y o suyo primer y solo equipo estió lo Sevilla FC.
Trachectoria[editar | modificar o codigo]
Formato en as categorías inferiors d'o Sevilla Fútbol Club, fació parte d'una fornata de chugadors de gran calidat surtitos en os zaguers anyos d'iste equipo, como Sergio Ramos, Jesús Navas, Alfaro u Kepa Blanco. Con iste zaguero gosaba chugar como internacional sub-20, dica que fue convocato con a selección espanyola absoluta.
Debutó en a Primera división espanyola o 24 de marzo de 2004, en un partito entre o Sevilla FC y o Málaga CF. Manimenos, no estió dica la temporata 2005/06 cuan estió un fixo en o equipo. Iste anyo esdevinió en un idolo de l'afición, ya que un gol d'él en a prolarga d'as semifinals contra o Schalke 04, metió a lo Sevilla en a suya primera final d'a Copa d'a UEFA, competición que rematarba ganando ixa mesma anyada chugando a final contra o Middlesbrough FC con un resultato de 4-0. Convocato como suplent, Puerta chugó los zaguers cuatro menutos d'a final.
A siguient temporata ganó con o Sevilla la Supercopa d'Europa, a Copa d'o Rei y una atra vegata la Copa d'a UEFA. Puerta chugó en as tres finals y, en a UEFA marcó lo zaguer penalti, que le dió lo títol a lo suyo equipo.
A suya muerte[editar | modificar o codigo]
O 25 d'agosto de 2007, mientres o partito entre o Sevilla y o Getafe CF, d'a primera chornata de liga, Antonio Puerta tenió un amago debito a una parata cardiorrespiratoria. Anque salió por os suyos propios meyos d'o terreno de chuego, en os vestugario tenió cuantos amagos mas. Fue reanimato gracias a lo esfibrilador y ingresato en a Unidat de Cudiatos Intensivos (UCI) d'o hespital Virgen del Rocío de Sevilla.
A situación empioró en os siguients días y a la fin Antonio Puerta morió lo 28 d'agosto de 2007 en Sevilla.
Referencias[editar | modificar o codigo]
- ↑ (es) Fallece Antonio Puerta en 20 minutos.