Anthony Hopkins

Anthony Hopkins
L'actor Anthony Hopkins en una imachen de 2009 en Cortona (Italia).
Información personal
Nombre real	Philip Anthony Hopkins
Calendata naiximiento:	31 d'aviento de 1937
Puesto naiximiento:	Port Talbot (Galas, Reino Uniu)
Ocupación:	Actor
Conchuche:	Petronella Barker (1967-1972) Jennifer Lynton (1973-2002) Stella Arroyave (2003- )
Premios Oscar
Oscar a o Millor Actor: -1991: por The Silence of the Lambs Nominatua l'Oscar a o Millor Actor: -1993: por The Remains of the Day -1995: por Nixon
Globos d'Oro
Premio Cecil B. DeMille: 2006.
Premios BAFTA
Premio BAFTA a o Millor Actor de Televisión: -1972: por War and Peace Premio BAFTA a o Millor Actor: -1992: por The Silence of the Lambs -1994: por Shadowlands.

Anthony Hopkins (nombre artistico de Philip Anthony Hopkins) ye un actor galés, naixiu o 31 d'aviento de 1937 en Port Talbot (Galas, Reino Uniu), activo en o cine britanico y en o cine estausunidense dende meyaus d'os anyos 1960 y con cuantos premios recibius mientres a suya carrera cinematografica.

D'entre a suya ampla filmografía, se puet citar as suyas interpretacions en cintas como The Lion in Winter (1968, Anthony Harvey), A Bridge Too Far (1977, Richard Attenborough), Audrey Rose (1977, Robert Wise), Magic (1978, Richard Attenborough), 84 Charing Cross Road (1987, David Hugh Jones), The Silence of the Lambs (1991, Jonathan Demme), The Remains of the Day (1993, James Ivory), Nixon (1995, Oliver Stone), Amistad (1997, Steven Spielberg), Meet Joe Black (1998, Martin Brest), u Bobby (2006, Emilio Estevez).

Premios

Premios Oscar

Anthony Hopkins recibió un premio Oscar a o Millor Actor en 1991 por o suyo papel en a cinta The Silence of the Lambs, de Jonathan Demme.

Antiparte, en 1993 fue nominau a l'Oscar a o Millor Actor por a suya interpretación en The Remains of the Day, una cinta dirichida por James Ivory. En 1995 recibió una segunda nominación a l'Oscar a o Millor Actor por a suya interpretación de Richard Nixon en Nixon, d'Oliver Stone.

Premios BAFTA

En 1972 recibió un Premio BAFTA a o Millor Actor de Televisión por a suya actuación en War and Peace, una serie de televisión d'a BBC.

Recibió dos Premios BAFTA a o Millor Actor: en 1992 por The Silence of the Lambs, de Jonathan Demme, y en 1994 por Shadowlands, de Richard Attenborough.

Atros premios

En 2006 recibió un Premio Cecil B. DeMille ta toda la suya carrera cinematografica.

Antiparte, en 1991 recibió un Premio NYFCC a o Millor Actor por o suyo papel en a cinta The Silence of the Lambs, de Jonathan Demme.

Se veiga tamién

• (en) .

Vinclos externos

• Se veigan as imáchens de Commons sobre Anthony Hopkins.
• (en) Anthony Hopkins en Internet Movie Database.

• Datos: Q65932
• Multimedia: Anthony Hopkins / Q65932