Andrés Montes

De Biquipedia
Ir a la navegación Ir a la búsqueda
Andrés Montes
Montes.jpg
Información personal
Calendata de naixencia 1956
Puesto de naixencia Flag of Spain.svg Madrit
Calendata de muerte 16 d'octubre de 2009
Puesto de muerte Flag of Spain.svg Madrit
Ocupación Periodista
Reial Orden d'o Merito Esportivo

Andrés Montes (Madrit, 1956 - Madrit, 16 d'octubre de 2009) estió un periodista y locutor esportivo espanyol.

De pai gallego y mai cubana, realizó retransmisions esportivas (mas que mas de baloncesto y fútbol) dende 1980, treballando ta a COPE, Radio Cadena Española, Radio Marca u Antena 3 Radio con José María García. Dende 1996 narró, chunto con Antonio Daimiel y Santiago Segurola as retransmisions d'a NBA en Espanya en Canal +.[1]

En abril de 2006 anunció que fichaba por La Sexta, a on que se le encargarban os comentarios d'a Copa d'o Mundo de fútbol 2006, chunto a o ex-futbolista Julio Salinas y Antonio Esteva. Tamién comentó o Mundial de baloncesto de Chapón 2006, chunto con os ex-chugadors Juan Manuel López Iturriaga y Juan Domingo de la Cruz. O verano de 2007 retransmitió o Eurobasket, chunto a os ex-chugadors Iturriaga y Epi.

Fue conoixito por o suyo estilo desenfadato y chocante, con que miraba constantment distingir-se. Un d'os suyos recursos ta ixo estió un argot especifico a base de falcas. Por eixemplo, mientres a Copa d'o Mundo de fútbol 2006 repitió a-saber-lo a frase "¡Porque la vida puede ser maravillosa!". Bellas d'as suyas frases mas conoixitas estioron: "¿Dónde están las llaves, Salinas?", "¡Fútbol, pasión de multitudes!", "¡Fútbol con fatatas!", "Tiqui-taca Salinas!", "¿Qué me cuentas capitán Narváez?" , "¡Tiburónnnnnn!", "¡Que vienen los sioux!", "¡Jugón!", "¡Wilma, ábreme la puerta!", y "¡Ratatatatatatata!". Unatro rasgo caracteristico ta trucar l'atención estió a corvata de lacet que gosaba levar y as gafas suyizas, asinas como a suya capeza rasurata.

En anyo 2004 fació parti como actor en a pelicula "Isi/Disi. Amor a lo bestia" en un chicot papel como entrenador de baloncesto.

Entre 2006 y 2009 retransmitió partitos d'a Liga espanyola de fútbol y d'a selección espanyola de baloncesto en a cadena la Sexta, y en verano de 2008 retransmitió en a mesma canal un programa de wrestling dito Power Catch.[2]

O 20 de setiembre de 2009 anunció en zaguerías d'o Eurobasket que deixaba laSexta.[1]

O 16 d'octubre de 2009, a suya parella trobó o cuerpo sin de vida d'o comentarista esportivo en o suyo domicilio de Madrit.[3]

O 27 d'abril de 2010 se li concede a Reial Orden d'o Merito Esportivo por a suya difusión y promoción d'o esporte.[4]

Referencias[editar | editar código]

  1. 1,0 1,1 (es) Calvo, Yeray: El comentarista Andrés Montes deja La Sexta, Publico.es, 21 de setiembre 2009.
  2. (es) C. Rizzo: La moda del Wrestling contagia a La Sexta, 20minutos.es, 18 de chulio 2008.
  3. (ca) El comentarista Andrés Montes apareix mort al seu domicili, ElPeriódico.cat, 17 d'octubre 2009.
  4. (es) El CSD concede la Real Orden al Mérito Deportivo a Andrés Montes.