Alvin Kraenzlein
Alvin Kraenzlein  | ||
|---|---|---|
| Información personal | ||
| Naixencia | 12 d'aviento de 1876 Milwaukee (Wisconsin), Estaus Unius). | |
| Muerte | 6 de chinero de 1928 Wilkes-Barre, Pennsilvania, Estaus Unius. | |
| Información esportiva | ||
| Esporte | Atletismo | |
| Medallero | ||
| Chuegos Olimpicos | ||
| Oro | París 1900 | 200 m. cletas |
| Oro | París 1900 | 110 m. cletas |
| Oro | París 1900 | 60 m. lisos |
| Oro | París 1900 | Largaria |
| - Campión d'Estaus Unius de Largaria en 1899. - Campión d'Estaus Unius de 120 yardas cletas en 1898 y 1899. - Campión d'Estaus Unius de 220 yardas cletas en 1897, 1898 y 1899. | ||
Alvin Christian Kraenzlein, mas conoixito como Alvin Kraenzlein, naixito de Milwaukee (Wisconsin) o 12 d'aviento de 1876 y muerto en Wilkes-Barre (Pennsilvania) o 6 de chinero de 1928, estió un atleta estausunidense.
Estió campión d'Estaus Unius de 120 yardas con cletas en 1898 y 1899, de 220 yardas con cletas en 1897, 1898 y 1899, amás amás de campión de brinco de largaria en 1899. Un anyo dimpués representant a o suyo país en os Chuegos Olimpicos de París 1900, hi ganó cuatre medallas d'oro en 60 metros lisos, 110 metros cletas, 200 metros cletas y brinco de largaria.
A suya zaguera anyada como atleta estió 1900, anque el l'anyo 1901 desfendió lo suyo títol de 120 yardas cletas en o British AAA. Tornó a Milwaukee y prencipió a fer practicas dentals. Tamién se convirtió en entrenador de l'Asociación Atletica de Milwaukee. En 1902, habendo tornau a Filadelfia, se casó con Claudine Gilman, a qui conoixeba dende los suyos días d'estudiant. Practicó la odontolochía en Filadelfia dica 1906, cuan se convirtió profesor d'educación fisica y en l'entrenador d'atletismo en l'Academia Mercersburg, una escuela preparatoria selectiva en Pennsylvania. Entre los suyos estudiants yera Ralph Craig, futuro campión olimpico en os 100 y 200 metros en os Chuegos Olimpicos de 1912. De 1910 a 1913 estió l'entrenador prencipal d'atletismo y futbol (en 1910-1911) en a Universidat de Michigan.
En 1913, sinyó un contracto de cinco anyo por 50,000 $ con o gubierno alemán pa entrenar a o suyo l'equipo olimpico d'atletismo pa los Chuegos Olimpicos de 1916 que no podió acabar pus estió anulau a causa d'o esclatido d'a Primera Guerra mundial, en ixe conflicto, Kraenzlein sirvió en l'exercito d'os Estaus Unius como especialista en formación fisica. Cuán la guerra acabó, exerció como entrenador aduyant d'atletismo en a Universidat de Pensilvania. Tamién ocasionalment exerció d'entrenador en campamentos de verano y en o Havana Golf y Club de Tenis de Cuba en l'hibierno.
Morió l'anyo 1928 en Wilkes-Barre, Pensilvania por una pleuritis.
Vinclos externos
[editar | modificar o codigo]| Chuegos Olimpicos | ||
|---|---|---|
| Predecesor: Ellery Clark |
Campión olimpico de brinco de largaria París 1900 |
Succesor: Fred Schule |
| Predecesor: Thomas Curtis |
Campión olimpico de 110 metros cletas París 1900 |
Succesor: Myer Prinstein |
| Predecesor: Establimento d'a preba |
Campión olimpico de 200 metros cletas París 1900 |
Succesor: Harry Hillman |
| Predecesor: Establimento d'a preba |
Campión olimpico de 60 metros lisos París 1900 |
Succesor: Archie Hahn |
| Predecesor: Thomas Curtis |
Récord olimpico de 110 m. cletas 14 de chulio de 1900 - 24 de chulio de 1908 |
Succesor: Forrest Smithson |
| Predecesor: Meyer Prinstein |
Récord olimpico de brinco de largaria 15 de chulio de 1900 - 1 de setiembre de 1904 |
Succesor: Meyer Prinstein |
| Campionatos d'Estaus Unius | ||
| Predecesor: John Thompson |
Campión d'Estaus Unius de 120 yardas cletas 1898 y 1899 |
Succesor: Ralp Hutchinson |
| Predecesor: Meyer Prinstein |
Campión d'Estaus Unius de brinco de largaria 1899 |
Succesor: Harry McDonald |
| Control d'autoridaz |
|
|---|
Datos: Q312863
Multimedia: Alvin Kraenzlein / Q312863