Alfredo Pirucha

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Alfredo Pirucha
Información personal
Calendata de naixencia	1982
Puesto de naixencia	Sanxenxo (Pontevedra)
Pachina web	http://www.pirucha.eu

Alfredo Pirucha ye un pintor y artista gallego naixito de Sanxenxo (Pontevedra) en 1982. Escomenzó a creyar a suya obra de traza casual en l'anyada de 2003 en o suyo lugar natal, ta dimpués tresladar-se enta Madrit, a on continó a producción artistica como a faceta prencipal d'a suya vida y prenió conciencia d'as posibilidaz d'a pintura como vehiclo d'espresión d'inquietuz, sentimientos, medranas y tot que ocupaba es suyos prexins y yera susceptible d'estar pintato. Dende alavez logró esposar en diferents puntos d'a cheografía peninsular como Soria, Madrit, Bizcaya, Pontevedra, Lugo, Braga u A Coruña. En l'actualidat vive en Santiago de Compostela, en Galicia.

A bulto y a la marguin d'as valoracions personals, a suya obra responde a una clara filosofía artistica basata en a no comercialización d'as suyas creyacions, considerando-las parti d'él mesmo, y en prebar d'amanar l'arte a traviés d'exposicions en salas de titularidat publica a os grupos socials que no gosan acudir-ie.

A nivel estetico podemos estallar a suya producción artistica en tres grupos prencipals. Cadagún d'éls s'esferencia d'os atros per o emplego de diferents suportes y recursos tecnicos. O primero sereba lo formato per bellas obras de colors bien raixosas, pintatas mas que mas con as mans y aduyato per obchectos como claus, atornilladors, rasquetas... sobre chicotas cartolinas satinatas. O segundo grupo ye formato per lienzos de dimensions meyas pintatos con as mans y pincels a on predominan os tons apastelatos y l'atraze en lapicero en determinando lo contorno d'as feguras. Y un zaguer grupo formato per collages feitos a pur de fotocopias. Totas as suyas obras presentan temas cutianos con una fuerte carga d'humor absurdo en busca d'o riso compliz d'o publico.

• Datos: Q10950826