Aleixo III Ánchel

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Aleixo III Ánchel
Emperador de l'Imperio Bizantín
Emperador de l'Imperio Bizantín
1195 - 1203
Predecesor	Isac II Ánchel
Succesor	Isac II Ánchel Alexo IV Ánchel
Naixencia	Arredol de 1153
Muerte	1211
Dinastía	Dinastía d'os Ánchels
Pai	Andrónico Ánchel
Mai	Eufrosine Castamonitissa

Aleixo III ye naixiu arredol de l'anyo 1153 y morió en 1211. Estió Emperador de l'Imperio Bizantín dende 1195 dica 1203.

En 1195 Aleixo III substituyó a lo suyo chirmán Isac II Ánchel, feito que nombran en a "Cronica de Morea", on confunden a dinastía d'os Ánchel por a d'os Comnino:

Et seyendo alli vino caso que Quir Alexi Comnino, hermano de Quir Ssaqui Comnino, enperador de Contastinoble, auia preso al dicho Quir Ssaqui su hermano emperador & crebadole los oios, & pusolo en prision & tomole la senyoría, & el fiio del enperador Quir Ssaqui qui era iouen fuyo en Alemanya al enperador de Alemanya, qui era ermano de su madre

Habió de satisfer as desichencias de l'emperador Henrique VII, tamién rei de Sicilia, que reclamaba dreitos a lo trono por estar casau o suyo chirmán Felipe de Suabia con Irene, filla d'Isac. Li habió de dar 1.600 libras d'oro dica 1197.

Aleixo III prebó de conseguir l'aduya pontificia entre 1198 y 1203 oferindo a Inocencio III un prochecto d'unión d'as dos ilesias. Inocencio demandaba o reconoiximiento d'o suyo primau sin atras condicions y entre 1202 y 1204 posaba baixo dominio y proteción pontificias a los reinos y ilesias serbia y bulgara. A mitat de 1202 o fillo d'Isac II, Aleixo IV, quereba recuperar o trono y demanda aduya a los cruzaus d'a cuatrena cruzada, concentraus en Venecia, y esto fará que os griegos pierdan o control de l'Imperio Bizantín y se creye l'Imperio Latino de Costantinoble.

En a "Cronica de Morea" comentan:

Et cuando fueron aplegados a Contastinoble, Alexi qui tenia a Costantinoble, vidiendo el poder los francos & vidiendo qu'él no auia poder para defenderse, fuyó a las partidas de Salonichi por recobrar & aplegar gentes de sieruos, de Blacuos & de Burgaros por defender las ciudades he castiellos del dicho inperio

Predecesor: Isac II Ánchel

Emperador de l'Imperio Bizantín 1195 - 1203

Succesor: Isac II Ánchel y Aleixo IV Ánchel

• Datos: Q37065
• Multimedia: Alexios III Angelos / Q37065