Alcampelina
L'alcampelina[1] ye o nombre con que se conoixe a una variedat d'oliva provenient d'a localidat d'Alcampell, a on se denomina localment verdiella[1] mas d'o 95% d'a superficie d'olivar. Ye tamién una variedat important en atros lugars d'a comarca de Litera como Peralta de la Sal, Albelda u Castillón Roi y en bella localidat d'a comarca leridana d'o Segrián como Alfarràs, Almacellas, Leida, Maials u Almatret a on se denomina en catalán verdiell.[2]
En o Semontano de Balbastro se troba prencipalment localizada en Abiego por lo que se conoixe tamién como alcampelina d'Abiego.[3] Ye una d'as variedaz autoctonas prencipals definidas en a Denominación d'Orichen Aceite d'o Semontano.[4]
Caracteristicas agronomicas
[editar | modificar o codigo]Ista variedat d'oliva s'emplega exclusivament en a producción d'aceite d'oliva. Ye de maduración tardana, quedando a suya color vrioleta fosca sin nunca no plegar a meter-se negra. No se puet replegar por vareyo ya que o fruito tien prou fuerza de retención y os broz son delicaus, por lo que en emplegar ista tecnica se danyarían, reducindo a producción de l'anyo venient. L'árbol tien una vigor baixa, porte ubierto y densidat clara.
Referencias
[editar | modificar o codigo]- ↑ 1,0 1,1 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ (es) Variedades de olivo del Somontano. Javier Viñuales Andreu
- ↑ (es) Variedades de España. Alcampelina de Abiego.
- ↑ (es) Pliego de condiciones de la DOP Aceite del Somontano. Septiembre 2024
Vinclos externos
[editar | modificar o codigo]| Control d'autoridaz |
|
|---|
Datos: Q17300670