Aguatuerta

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Aguatuerta^[1] (en castellano Agua Tuerta) ye como se denomina en o municipio d'Ansó y en a redolada a la zona d'auguas tuertas que forma o río Aragón Subordán poco dimpués d'o suyo naixedero.

O río pasa por una val entre altarias como o pico d'Arlet (2.215 m), a punta d'Arre (2.157 m), a punta Gabedallo (2.245 m) u a punta d'o Huerto (2.068 m).

Dolmen d'Aguatuerta

Destaca a presencia d'o dolmen d'Achar d'Aguatuerta, un d'os eixemplars de megalitos millor conservaus d'o Pireneu, situau en ista val a 1.600 metros d'altaria. Ye un dolmen de cambra simpla, con planta rectangular y ubierta a o nuroeste.

Ye feito con una losa de cubierta y tres losas laterals, situadas en os cantos, amás d'una quarta mas chicorrona que se troba en a dentrada ta zarrar-la.