Acido desoxirribonucleico

De Biquipedia
Ir ta: navego, busca
Articlo d'os 1000
Estrutura molecular d'una doble catiena de DNA.

L'Acido desoxirribonucleico, tamién conoixito per as siglas latinas ADN u en l'ambito scientifico mes per as siglas anglosaxonas DNA (de l'anglés Deoxyribunucleic acid), ye un acido nucleico que contiene totas las instruccions cheneticas que s'emplegan en o desembolique y funcionamiento d'os sers vivos y tamién de qualques virus. A función prencipal d'o DNA ye l'almagazenamiento d'a información a largo plazo. O DNA s'ha quiesto comparar a ormino con una receta de cocina, una plantilla u dica un codigo, pos be son compresas totas as instruccions requiestas ta producir altros components d'as celulas, como as proteínas y moleculas de l'altro prencipal acido nucleico d'os sers vivos, l'acido ribonucleico (RNA). Os segmentos d'a molecula de DNA que lievan ixa información se dicen chens, pero altras seqüencias de DNA tienen una función estructural u se troban implicatas en a regulación de l'uso d'ixa información chenetica.

Dende lo punto d'envista quimico, o DNA se composa de dos polimers luengos d'unidatz simples, ditas especificament desoxirribonucleotidos (fendo a distinción d'os nucleotidos d'RNA u ribonucleotidos), con un tranco feito de zucres y grupos fosfato unitos con enlaces de tipo fosfodiéster. As dos cadenas polimericas s'estienden en sentito contrario, y per ixo diz que son antiparalelas. Cadagún d'os zucres se troba unito con una base nitrochenata d'un d'os quatre tipos que be'n ha en l'ADN (adenina, timina, citosina y guanina). L'adenina ye complementaria d'a timina, a citosina ye complementaria d'a guanina.

Vinclos externos[editar | editar código]