Deán
En la Ilesia Catolica, lo deán[1] u degán[2] (d'o latín DECANUS [3]) ye lo parroco de la ilesia mes important de la ciudat. En la Ilesia d'Anglaterra, se diz deán de la Seu a lo funcionario eclesiastico que ye chusto debaixo de lo bispe.
En la regla benedictina, deán yera lo cabo d'una colla de diez monches. Dimpués la fundación de los capítols de Seu, se deciba deán a lo sacerdot que presidiba a los canonches. Dimpués designó nomás que a una dignidat eclesiastica de lo capítol.
Lo deán presidiba los capítols seculars de Tarazona y Albarracín; lo nombre de prior lo substituyoron por lo de deán en las atras seus aragonesas asinas como se secularizaban, fueras de lo de Roda, una seu convertita en simpla colechiata dependient de Leida.
Referencias
- ↑ (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. p 200.ISBN 978-84-8094-061-0
- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ (es) José Laguna Campos: Estudio léxico de un inventario oscense de 1565, Archivo de filología aragonesa, ISSN 0210-5624, ISSN-e 2603-7688, Vol. 46-47, 1991, p. 25-58