Reyal Sinyoría de Molina
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Reyal Sinyoría de Molina Real Señorío de Molina | ||||
| ||||
| ||||
 | ||||
| Capital | Molina | |||
| Relichión | Cristianismo | |||
| Gubierno | Sinyoría | |||
| Sinyor • 1129 |
Manrique de Lara | |||
| Periodo historico | Edat Meya | |||
| • Conquista cristiana | 1129 | |||
| • Herencio d'Alfonso XI de Castiella | 1321 | |||
.svg){kind=small}
.svg)
La Reyal Sinyoría de Molina estió una sinyoría churisdiccional medieval establida arredol de la villa de Molina de Aragón, en l'actual provincia de Guadalachara.
Fue fundada como sinyoría independient entre los reinos Castiella y d'Aragón por Manrique de Lara. En 1321 se desvinió que lo títol de sinyor de Molina lo prenese lo rei de Castiella, y d'astí entadebant lo han teniu los reis de Castiella y dimpués d'Espanya.
Mantenió lo fuero sin cuasi cambios dende la suya fundación dica la suya abolición en 1813 y tenió una división administrativa pareixida a la de las comunidaz d'aldeyas aragonesas, con sexmas, comunidaz que en Castiella se conoixen como Comunidades de Villa y Tierra.
División administrativa
La Sinyoría de Molina, igual que las atras comunidaz de villa y tierra de la Extremadura castellana, yera estruturada arredol d'una villa prencipal, n'este caso Molina, rodeyada por las tierras que se dividiban sexmas, cuatre n'este caso en cuenta de las seis que hi heba por un regular. Estas sexmas yeran la de lo Campo, la de lo Pedregal, la de lo Sabinar y la de la Sierra. Dimpués cadaguna se dividiba en unas vint vintenas, que correspondeban a cadaguna de las aldeyas de la sexma y las suyas tierras, divididas a mes cadaguna en unos cinco quinyons pa repartir las tierras de cada lugar.[1]
Sexma de lo Campo
La sexma del Campo ye la que ye mes a lo norte y la mes grant, abracando las vals altas de lo Mesa y de lo Piedra y la paramera nororiental de Molina.
Algar de Mesa, Amayas, Anchuela del Campo, Campillo de Dueñas, Chilluentes, Cillas, Concha, Cubillejo de la Sierra, Cubillejo del Sitio, Embit, Establés, Fuentelsaz, Hinojosa, Labros, Milmarcos, Mochales, Pardos, Rueda de la Sierra, Tartanedo, Torrubia, Tortuera, Villel de Mesa y La Yunta.
Sexma de lo Pedregal
La sexma del Pedregal ye a l'este de Molina arredol a lo camín ta Teruel.
Aldehuela, Anchuela del Pedregal, Anquela del Pedregal, Castellar de la Muela, Castilnuevo, Chera, El Pobo de Dueñas, Hombrados, Morenilla, Novella, Otilla, El Pedregal, Pradilla, Prados Redondos, Setiles, Tordellego, Tordelpalo, Tordesilos, Torrecuadrada de Molina y Torremochuela.
Sexma de lo Sabinar
La sexma del Sabinar ye a l'ueste de Molina y comprendeba sobretot los cursos de lo río Arandilla y de lo meyo y baixo Gallo.
Aragoncillo, Baños de Tajo, Buenafuente del Sistal, Canales de Molina, Castellote, Cobeta, Corduente, Cuevas Labradas, Cuevas Minadas, Escalera, Fuembellida, Ferrería, Lebrancón, Olmeda de Cobeta, Rillo de Gallo, Selas, Taravilla, Teroleja, Torete, Torrecilla del Pinar, Torremocha del Pinar, Valhermoso, Valsalobre, Ventosa y Villar de Cobeta.
Sexma de la Sierra
La sexma de la Sierra ye la mes meridional i son los lugars que bi ha en la Sierra de Molina y a l'este de l'Alto Tajo, muga natural con lo común de villa y tierras de Cuenca.
Adobes, Alcoroches, Alustante, Checa, Chequilla, Megina, Motos, Orea, Peralejos de las Truchas, Pinilla de Molina, Piqueras, Terzaga, Terzaguilla, Traíd y Villanueva de las Tres Fuentes.
Referencias
- ↑ Herrera Casado, Antonio. Sesmas, veintenas y quiñones en Molina en Molina de Aragón. Veinte siglos de historia. Aache Ediciones. Guadalajara, 2000.