Reyal Sinyoría de Molina

De Biquipedia
Ir a la navegación Ir a la búsqueda
Senyoría de Molina
Flag of Morocco 1147 1269.svg 1129 — 1321 Banner of arms kingdom of Castile.svg
Capital Molina
Relichión Cristianismo
Gubierno Senyoría
Senyor
 • 1129

Manrique de Lara
Periodo historico Edat Meya
 • Conquista cristiana 1129
 • Herencio d'Alfonso XI de Castiella 1321

La Reyal Senyoría de Molina estió una senyoría churisdiccional medieval establita arredol de la villa de Molina de Aragón, en l'actual provincia de Guadalachara.

Fue fundata como senyoría independient entre los reinos Castiella y d'Aragón por Manrique de Lara. En 1321 se desvinió que lo títol de Senyor de Molina lo prenese lo rei de Castiella, y d'astí entadebant lo han tenito los reis de Castiella y dimpués d'Espanya.

Mantenió lo fuero sin quasi cambeyos dende la suya fundación dica la suya abolición en 1813 y tenió una división administrativa pareixita a la de las comunidatz d'aldeyas aragonesas, con sexmas, comunidatz que en castiella se conoixen como Comunidades de Villa y Tierra.

División administrativa[editar | editar código]

Mapa de las sexmas de la Senyoría de Molina.

La Senyoría de Molina, a l'egual que las atras comunidatz de villa y tierra de la Estremadura castellana, yera estruturata arredol d'una villa prencipal, n'este caso Molina, rodeyata por las tierras que se dividiban sexmas, quatre n'este caso en cuenta de las seis que hi heba por un regular. Estas sexmas yeran la de lo Campo, la de lo Pedregal, la de lo Sabinar y la de la Sierra. Dimpués cadaguna se dividiba en unas vint veintenas, que correspondeban a cadaguna de las aldeyas de la sexma y lurs tierras, dividitas a més cadaguna en unos cinco quinyons pa repartir las tierras de cada lugar.[1]

Sexma de lo Campo[editar | editar código]

La sexma del Campo ye la que ye més a lo norte y la més grant, abracando las vals altas de lo Mesa y de lo Piedra y la paramera nororiental de Molina.

Algar de Mesa, Amayas, Anchuela del Campo, Campillo de Dueñas, Chilluentes, Cillas, Concha, Cubillejo de la Sierra, Cubillejo del Sitio, Embit, Establés, Fuentelsaz, Hinojosa, Labros, Milmarcos, Mochales, Pardos, Rueda de la Sierra, Tartanedo, Torrubia, Tortuera, Villel de Mesa y La Yunta.

Sexma de lo Pedregal[editar | editar código]

La sexma del Pedregal ye a l'este de Molina arredol a lo camín ta Teruel.

Aldehuela, Anchuela del Pedregal, Anquela del Pedregal, Castellar de la Muela, Castilnuevo, Chera, El Pobo de Dueñas, Hombrados, Morenilla, Novella, Otilla, El Pedregal, Pradilla, Prados Redondos, Setiles, Tordellego, Tordelpalo, Tordesilos, Torrecuadrada de Molina y Torremochuela.

Sexma de lo Sabinar[editar | editar código]

La sexma del Sabinar ye a l'ueste de Molina y comprendeba sobretot los cursos de lo río Arandilla y de lo meyo y baixo Gallo.

Aragoncillo, Baños de Tajo, Buenafuente del Sistal, Canales de Molina, Castellote, Cobeta, Corduente, Cuevas Labradas, Cuevas Minadas, Escalera, Fuembellida, Ferrería, Lebrancón, Olmeda de Cobeta, Rillo de Gallo, Selas, Taravilla, Teroleja, Torete, Torrecilla del Pinar, Torremocha del Pinar, Valhermoso, Valsalobre, Ventosa y Villar de Cobeta.

Sexma de la Sierra[editar | editar código]

La sexma de la Sierra ye la més meridional e hi son los lugars que bi ha en la Sierra de Molina y a l'este de l'Alto Tajo, muga natural con lo común de villa y tierras de Cuenca.

Adobes, Alcoroches, Alustante, Checa, Chequilla, Megina, Motos, Orea, Peralejos de las Truchas, Pinilla de Molina, Piqueras, Terzaga, Terzaguilla, Traíd y Villanueva de las Tres Fuentes.

Referencias[editar | editar código]

  1. Herrera Casado, Antonio. Sesmas, veintenas y quiñones en Molina en Molina de Aragón. Veinte siglos de historia. Aache Ediciones. Guadalajara, 2000.