Kuala Lumpur

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Kuala Lumpur
Localidat de Malaisia
Anvista nocturna de Kuala Lumpur.
País  • Territorio Federal	Malaisia Kuala Lumpur
Superficie	243,7 km²
Población  • Total	1588750 hab. (2010)
Altaria  • Meyana	22 m.
Codigo postal	50000–59999
Coordenadas	3° 8’52’’N101°41’43’’E
Kuala Lumpur Kuala Lumpur en Malaisia
Web oficial

Kuala Lumpur (popularment KL) ye a capital y mayor ciudat de Malaisia y un d'os tres territorios federatos d'o país y se troba fisicament afincada adintro de l'estau de Selangor. Auespaba lo poder executivo y chudicial malayo, os cuals dende zaguerías d'as anyadas de 1990 estioron transferius enta recientment construyida capital administrativa Putrajaya, encara que, manimenos, cualques seccions d'o poder chudicial s'han manteniu en Kuala Lumpur. En a ciudat tamién se troba a residencia oficial d'o rei de Malaisia, l'Istana Negara.

Conta con una población de 1 887 674 habitants distribuyius en una superficie de 243,65 km², y un aria metropolitana de 7,2 millons d'habitants, y en importancia, figura de conchunta con O Caire, Istambul, Karachi, Bagdad, Teherán, Aleixandría, A Meca, Casablanca y Yakarta como una d'as urbes mas importants d'o mundo islamico. Per un regular, Kuala Lumpur ye abreviada como KL en Malaisia, y ye mundialment conoixida per estar o puesto an se troban as torres Petronas, actualment os edificios chiminucos mas altos d'o mundo y d'antis mas os edificios mas altos d'o mundo de forma absoluta.

Clima

Protechida en l'este per as montanyas Titiwangsa y en o ueste per l'isla de Sumatra, Kuala Lumpur tien mientres tot l'anyo un clima ecuatorial, calido y soleyau, con abundants precipitacions, especialment mientres o monzón. As temperaturas tienden a remanir constants, con fluctuacions entre temperaturas maximas d'entre 30 °C y 33 °C y minimas per dencima d'os 20 °C. Referent a las precipitacions, a meya anyal ye sobre os 2.250 mm, chunio y chulio son meses relativament ixucaus, pero encara asinas as plevidas son superiors a 125 mm en istos meses.

As inundacions son un fenomeno frecuent en Kuala Lumpur, an existen fuertes plevidas (monzón), especialment en o centro d'a ciudat y atras redoladas de poca altitut. As particlas de polvo, procedents d'os incendios forestals d'a proxima Sumatra, son una d'as prencipals fuents de contaminación en a ciudat, chunto a las emisions d'os vehiclos a motor y os treballos de construcción.

Vinclos externos

• Se veigan as imáchens de Commons sobre Kuala Lumpur.