División de poders

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A división de poders ye un concepto churidico que estableix que os poders d'un gubierno sobirano han d'estar dividitos entre dos u mas entidaz independients entre sí, ta privar asinas que una persona u un grupo politico tienga masiato poder.

A ideya que estableixe que las diferents funcions han d'estar en mans d'institucions diferents y independients fue proposata por Aristótil, pero no estió so que dica o sieglo XVII y o sieglo XVIII que o concepto fue bien definito por James Harrington y John Locke. A obra mas influyent respective d'a división de poders, sindembargo, estió la de Montesquieu. Os suyos escritos y criticas sobre a monarquía francesa d'alavez lo levoron a formular o concepto de separación de poders, que ha estato invocato por os escritors d'a mayor part d'as constitucions dica l'inte actual. As suyas teorías serían basatas en un estudio sobre os escritos de Locke y en un conoiximiento imperfecto d'a Constitución anglesa d'o sieglo XVIII. Montesquieu pensaba que ta prevenir l'abuso d'o poder y ta preservar a libertat politica, caleba que o gubierno estase regulato por diferents poders que se cosirasen l'un a l'atro.

Montesquieu en a suya obra O esprito d'as leis (1748) creyó lo concepto d'a división de poders en tres brancas. Estas brancas son:

• A branca lechislativa u poder lechislativo, responsable de creyar as leis y os cambeos u revocacions d'as leis existents.
• A branca executiva u poder executivo, responsable d'asegurar-se que as leis se leven a cabo; incluyendo-ie a creyación de politicas y a elección d'a traza en a cual las politicas se realizan.
• A branca chudicial u poder chudicial, responsable d'interpretar a lei y d'aplicar-la en situacions especificas.