Francisco Pradilla
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Francisco Pradilla y Ortiz | |
|---|---|
| |
| Información personal | |
| Calendata de naixencia | 24 de chulio de 1848 |
| Puesto de naixencia |  Villanueva de Galligo (Zaragoza, Aragón)
|
| Calendata de muerte | 1 de noviembre de 1921 |
| Puesto de muerte | .svg){kind=small} Madrit (Espanya)
|
| Ocupación | Pintor |
| Obras | Alfonso I el Batallador, Doña Juana la Loca, La rendición de Granada, El suspiro del moro |
Francisco Pradilla y Ortiz (Villanueva de Galligo, Zaragoza, 24 de chulio de 1848 – Madrit, 1 de noviembre de 1921) estió un pintor aragonés.
Biografía
Aprendió con dos pintors decoradors en Zaragoza. En 1863 se tresladó ta Madrit, a on estudió a os antigos mayestros. En 1874 se'n fue ta Roma a estudiar en l'Academia Espanyola d'Artes Politas chunto a Casto Plasencia, Jaime Morera y Alejandro Ferrant continando dimpués a suya estada a ciudat de Roma.
O suyo primer cuadro d'importancia estió El rapto de las sabinas ta as oposicions a la pensión de l'Academia espanyola en Roma, a o que siguió en 1878 Doña Juana la Loca, como treballo de dita pensión. Por iste granizo cuadro obtenió a Medalla d'Honor en a Exposición Nacional d'Artes Politas de 1878 y una medalla d'honor en a Exposición Universal de París de 1878.
Por encargo d'o Concello de Zaragoza, reyalizó os cuadros de Alfonso I el Batallador y de Alfonso X el Sabio. Se superó con a realización de La rendición de Granada (3,50 X 5,42 m) de 1882, que se destaca tanto por a limpieza d'a caracterización como por a viveza d'a representación y a grandeza d'o estilo. O cuadro ganó o primer premio en una exposición en Múnich en 1893. Atras obras d'iste autor de gran intrés son: El suspiro del moro, La lección de Venus al amor, y Vendimia en las lagunas Pontinas.
Amás d'istas composicions, Pradilla tamién tien obras mas chicotas sobre a vida d'o pueblo, d'o tipo que fació Fortuny.
Cal decir que estió o Director d'a Real Academia d'Espanya en Roma. Por poco tiempo, pues renunció en decepcionar-se por a cantidat de burocracia que impediba a suya chestión.
A tamas d'estar un d'os pintors aragoneses mas importants, o 15 de noviembre de 2011 o Concello de Villanueva de Galligo, a suya localidat natal, decide estricallar a casa a on naixió l'autor[1][2], encara que a D.Ch.A. heba paralizato as obras.
Se veiga tamién
- Carlos Baca-Flor alumno de Francisco Pradilla.
Vinclos externos
Se veigan as imáchens de Commons sobre Francisco Pradilla y Ortiz.- (es) Francisco Pradilla y Ortiz en la Gran Enciclopedia Aragonesa
- (es) Wifredo Rincón García, «Francisco Pradilla y la pintura de Historia», Archivo español de arte, tomo 59, n.º 235, Consejo Superior de Investigaciones Científicas (CSIC), 1986, págs. 291-303.
