Balneario

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

balneario de Guitiriz en Galicia

Un balneario ye un puesto dedicato a lo descanso y la curazión emplegando l'augua, sobre tot las auguas termals y minerals, con un edificio pa l'hospedache. La palabra provién de lo latín BALNEAE, BALNEARUM ("banyos") u de BALINEAE, BALINEARUM ("establimiento de banyos").

Belunas de las tecnicas que s'emplegan en los balnearios a mes de las piscinas termals, goler vapors, hidromasache, chorros d'augua, circuitos a contracorrient, ecetra.

En lo caso de los balnearios marins, lo conchunto de tecnicas hidrosaludables que se i practican se clama talasoterapia.

En toponimia os balnearios se reflexan con toponimos tipo Los Banyos, por eixemplo en Villel y Arinyo. Y en a traducción herediana d'o "Libro de Marco Polo" tamién son mencionatos como banyos:

La grant erminia es vna grant prouinçia et comiença en vna noble çiudat qui ha nombre argegan alla do se fazen los bellos boccarranis et hay los mas bellos banyos que sea<n> al mundo et las mas bellas aguas de buenas fue<n>tes et dulçes et aquestos.

en aquesta çiudat ya bellas carreras derechas et payme<n>tadas todas et ay bien .iii.mil. banyos fuert bellos et grandes car las gentes se delectan en ba<n>yos amenudo et desta (esta) ciudat ya .xxx. leguas entro ala mar ocçeana entre griego et leua<n>t.

En Aragón en l'actualidat son famosos o Balneario de Pandicosa y os Banyos de Benás.