Alchihad

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

L'alchihad u chihad (ﺟﻬﺎﺩ, en arabe) ye un concepto esencial d'o Islam relacionato con a guerra santa pero que puet tener tot un ventallo de significatos dende luita espiritual dica luita militar.

Alchihad amaneix a sobén en l'Alcorán como al-chihad fi sabil Al·lah, "combatir en o camín de Dios". Una persona embrecata en l'alchihad ye un Muchahid (en plural Muchaidín). En l'"Alchamiau d'Urreya" se puet leyer una vegada alchihad, con letra chim:

Ya mesadjero de Allah, da lecencia a mi en-l-aldjihad iy-re con tu.

Una parte d'os expertos sunnitas a vegatas se refieren a este deber como o seiseno pilar d'o Islam. En o chiismo doceno l'alchihad ye una d'as 10 practicas d'a relichión.