Utero

De Biquipedia
Ir ta: navego, busca
Aparato reproductor feminín, lo numero 10 sinyala l'utero.

L'utero u madriz[1] ye una porción de l'oviducto de los mamifers euterios[2] y marsupials que presenta una gruesa paret muscular u miometrio cubierta d'una mucosa con muita irrigación sanguinica u endometrio y que representa una cavidat interna enamplable a on s'alochará lo embrión y dimpués feto mientres lo desembolique embrionario. Tamién presenta una tunica exterior de teixito conchuntivo. En los euterios lo endometrio estableix una conexión vascular gran con las membranas embrionarias a traviés de la placenta.[3]

L'utero presenta diferents formas en diferents ordens de mamifers. Los uters de los dos oviductos no son fusionaus en los radedors (utero doble), pueden estar fusionaus dica la mitat en los insectivoros y perisodactilos (utero bicorne), fusionaus en la part caudal en los carnivoros (utero bipartito), u fusionaus de tot en los simios. En l'utero de los simios (y los humans) se distingue dos partz: cuerpo y cuello u cervix. Lo cuerpo de l'utero ye amplo y ye a on desembocan las trompas de falopio. Lo cuello de l'utero ye estreito y de forma cilindrica y comunica con la vachina.

Referencias[editar | editar código]

  1. Libro d'el Trasoro
  2. Adolfo Aguilar, Eduardo de Juana y Arturo Morales. Historia Natural, tomo 6 Zoología - Vertebrados. Carroggio, 1989, pp54
  3. C.P.J.Hickman Principios Integrales De Zoologia - 10ª Ed. McGraw-Hill. 1998. pp94

Bibliografía[editar | editar código]