Sun Tzu

De Biquipedia
Ir ta: navego, busca
Estatua de Sun Tzu en Yurihama, Tottori, Chapón.

Sun Tzu u Sunzi (Mayestro Sun; en chinés: 孫子, en pinyin: Sūn Zǐ, en Wade-Giles: Sun Tzu) (544 aC - 496 aC) ye conoixiu en estar l'autor de L'arte d'a guerra, un antigo libro chinés sobre estratechia melitar.

Biografía[editar | editar código]

A sola fuent sobre a vida de Sun Tzu que ye plegada en os nuestros días ye a biografía escrita en o sieglo II aC por l'historiador chinés Sima Qian, que diz d'ell que estió un cheneral que vivió en l'estau de Wu en o sieglo VI aC. Con tot y con ixo, ista biografía no pareixe consistent con atras fuents que apuntan que o libro fue escrito entre as anyadas 400 aC y 320 aC.

A obra de Sun Tzu L'arte d'a guerra nos da bellas pistas sobre a suya vida. Por eixemplo, os carros de guerra que apareixen en o libro estión feitos servir mientres un breu periodo de tiempo tot remantando o sieglo IV aC, en conseqüencia, a lo menos una parti d'a obra dataría d'ixe periodo.

Quantos estudiosos han concluyíu que Sun Tzu no existió como figura historica y que L'arte d'a guerra sería una obra anonima.

En 1972 se trobón en Linyi (Shadong, China) una replega de textos en unas tabletas de bambú con o texto ya conoixu y nuevos trestallos. S'han puesto datar istos textos entre as anyadas 134 aC y 118 aC, dando más motivos ta pensar que bellas partis d'o libro fuoron escritas muito más tardi que no as atras.

Sun Bin, un descendient de Sun Tzu, escribió un atro libro conoixiu tamién como L'arte d'a guerra encara que un títol más adequau ta ista obra sería 'Arte melitar u Arte belico por os suyos contenius d'aspectos melitars[1]

Bibliografía[editar | editar código]

Vinclos externos[editar | editar código]

Referencias[editar | editar código]