Psicolochía

De Biquipedia

(Reendrezato dende Sicolochía)
Ir ta: nabego, busca

Psicolochía, d'o griego psique (ψυχη): alma y logos (λογος): tratau, zenzia. Senifica zenzia de l'alma, sin dembargo, autualmén la conzeutualizan como l'estudeyo de:

  1. O comportamiento d'os organismos indibiduals en interaizión con o suyo ambién.
  2. Os enantos mentals d'os indibiduos.
  3. Os enantos de comunicazión dende lo indibidual a lo microsozial.

A mayor parti d'os estudios se reyalizan en sers umáns. Sin dembargo, ye abitual l'estudio d'o comportamiento d'animals, tanto como un tema d'estudio en sí mesmo (beyer cognizión animal, etolochía), como ta establir meyos de contimparanza entre espezies (psicolochía contimparatiba), punto que asobén resulta controbersial.

A Psicolochía como campo d'estudios s'ha mobiu tanto por camíns zentificos como no zentificos. A psicolochía entendita como zenzia alazetal u esperimental, se enmarca en a tradizión positibista, emplegando o metodo zentifico de concarar ipotesis, con bariables cuantificables en contestos esperimentals, y clamando antimás a atras arias d'estudio zentifico ta exemplificar millor os suyos conzeutos. Pero no todas as rechiras en psicolochía siguen o metodo zentifico clasico. Dende una prespeutiba más ampla, y entendendo a psicolochía como una parti d'as Zenzias umanas u Sozials, á ormino s'emplegan metodolochías cualitatibas de rechira, que enriquexen a descrizión e entrepitazión d'enantos que, por meyo d'a prebatina clasica, resultan más difízils d'abastar, sobre tot en arias clinicas. En l'atra estrimera, bels psicologos (a psicolochía umanista por exemplo) arriban más luen refusando de raso l'emplego d'amanamientos zentificos.

Dende atra prespeutiba, a Psicolochía estable un campo d'estudios entremeyo de "lo biolochico" y "lo sozial". En cuanto a lo biolochico, anque a Psicolochía no embreca sino que l'estudio d'os fenomens d'o sistema nierbudo, terne que terne y en a mesura que a comprensión d'o funzionamiento d'o zelebro y l'esmo han enantau, os aportes d'a neurobiolochía se han ito encorporando a la rechira psicolochica, a trabiés d'a neuropsicolochía y as neurozenzias cognitibas.

En cuanto a lo sozial, a Psicolochía prolarga d'a soziolochía, l'antropolochía, l'economía y as zenzias politicas, en a mesura en que o suyo obcheto d'estudio ye o comportamiento indibidual y o de collas chicotas en interrelazión, más que de collas meyanas u grans coleutibidás d'indibiduos (culturas u sociedaz).

[editar] Beyer tamién

[editar] Temas relazionaus

[editar] Enlaces externos

Otenito de "http://an.wikipedia.org/wiki/Psicoloch%C3%ADa"
En atras luengas